Bes ýnıversıtettiń ýaqytsha lısenzııasy toqtatyldy

Bilim jáne ǵylym mınıstrligi elimizdiń joǵary oqý oryndaryn tekserýdi jalǵastyrýda, – dep Qamshy.kz aqparat agenttigi habarlaıdy

"Búgingi tańda baǵalaý júıesiniń tizbesine engen 13 ýnıversıtet tekserildi. Olardyń beseýinde buǵan deıingi eskertýler joıylmaǵandyqtan, bes ýnıversıtettiń lısenzııasy bir aıǵa toqtatyldy", – dep Ashat Aımaǵambetov facebook paraqshasynda jazdy.

Sondaı-aq Mınıstr 12 joǵary oqý ornyna aıyppul salynyp, bir ýnıversıtet boıynsha is sotqa jiberilgenin aıtty.

"Jyl sońyna deıin taǵy 12 joǵarǵy oqý orny boıynsha buryn berilgen nusqamalardyń oryndalýyn tekserýdi josparlap otyrmyz. Buzýshylyqtar qaıta anyqtalǵan jaǵdaıda, lısenzııadan aıyrý jáne joǵary oqý ornyn jabý úshin qujattar sotqa jiberiledi", – dep tolyqtyrdy Aımaǵambetov.

Mınıstrdiń málimdeýinshe, premer-mınıstrdiń ókimine sáıkes úkimet janynan joǵary oqý oryndaryn ońtaılandyrý komıssııasy qurylǵan.

"Búginde kóp beıindi ýnıversıtettiń barlyǵy muǵalimderdi daıarlaıdy. Alaıda olardyń sapasy syn kótermeıtindikten, qoıylatyn talaptardy kúsheıtý arqyly muǵalimderdi daıarlaıtyn joǵarǵy oqý orny sanyn 85-ten 20-25-ke deıin qysqartý josparlanyp otyr", – dedi bilim mınıstri.

"Sondyqtan mınıstrlik osyndaı jaǵdaılar men jaýapkershiligi tómen joǵarǵy oqý orny qatysty qatań saıasat júrgizýde. Álbette, bul sharalar barlyǵyna birdeı unamaı bermeıtini anyq. Degenmen Elbasy men memleket basshysynyń tapsyrmalaryna sáıkes, mınıstrlik joǵary bilim berý salasynda sapany qamtamasyz etý saıasatyn odan ári jalǵastyrady", – dep bilim jáne ǵylym mınıstri sózin túıindedi.