Búgin, 25 qarashada Nur-Sultanda "Nur Otan" partııasynyń óńirlik fılıaldary ókilderiniń qatysýymen keńes ótkizip jatqan Qazaqstannyń eks-prezıdenti Nursultan Nazarbaev partııa múshelerine eldiń qazirgi prezıdenti Qasym-Jomart Toqaevtyń aınalasyna birigý qajettigin aıtty. Bul týraly Nazarbaevtyń baspasóz hatshysy Aıdos Úkibaı twitter-degi paraqshasynda jazdy.
"Jıyn barysynda sóz alǵan Elbasy partııa múshelerine Qazaqstan prezıdenti Qasym-Jomart Toqaevtyń aınalasyna birigýdiń qajettiligin jáne saıası baǵyttyń sabaqtastyǵyn jalǵastyrýdy qaıtadan eske saldy", dep jazdy Úkibaı.
Qazaqstandy 30 jylǵa jýyq úzdiksiz bılegen Nursultan Nazarbaev 19 naýryzda prezıdenttik ókilettiligin toqtatqanymen, áli de eldegi bıliktiń bir tarmaǵyn ustap otyr. Ol qazir bıliktegi "Nur Otan" partııasyn jáne ózi qurǵan qaýipsizdik keńesin basqarady.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir