Almatyda trotýarlar, ortaq paıdalanatyn jerler qardan tazartyldy

Almaty qalasynda táýlikten astam ýaqyt boıyna arasynda úzilistermen qar jaýyp jatyr. 25 qarashanyń ekinshi jartysynda qardyń jaýy toqtaýy múmkin. Jalpy, qalaǵa qalyńdyǵy 8-13 sm qar tústi, al taý etegindegi aýdandarda onyń qalyńdyǵy 18 santımetrge deıin jetti.

Kóktaıǵaqtyń aldyn alý maqsatynda tún mezgilinde kóktaıǵaqqa qarsy materıaldar sebildi, qar jaýǵan kezde tógilgeni – 4609 tonna. 417 arnaıy tehnıka birligi, onyń ishinde 172 qumlaqtyrǵysh bar. 627 jumysshy qar tazalady.

Tańnan beri 508 tehnıka birligi jumyldyrylyp, 1788 jol jumysshysy qar tazalaýda. Qalanyń joǵary ornalasqan aýdandarynda arnaıy tehnıkalar kolonnalary joldyń qozǵalys bóligindegi qardy syrtqa shyǵarýda.

Tańǵy tyǵyz ýaqytqa deıin trotýarlar, ortaq paıdalanatyn jerler, jaıaý júrginshi aımaqtary, ótpeli joldarǵa kiretin jáne shyǵatyn jerler qardan tazartyldy.