24 Qarasha, 2019 NEWS

Úsh aılyq náreste kóz jumdy

Kókshetaýda úsh aılyq náreste kóz jumdy. Bul týraly oblystyq densaýlyq saqtaý basqarmasyna silteme jasap, Qamshy.kz aqparat agenttigi habarlaıdy.

Krasnyı Iаr aýylyndaǵy bastapqy medısınalyq-sanıtarlyq kómek ortalyǵynyń bas dárigeriniń málimdeýinshe, dáriger men medbıke janıauǵa patronajdy udaıy jasap otyrǵan.

"1 jáne 2-aıda balanyń densaýlyǵyna qatysty anasynan shaǵym bolmaǵan. Medbıke 6 qarashada onyń úıine barǵanda da eshteńe aıtpaǵan. Medbıke balany tekserip, kútimi boıynsha tıisti usynystaryn túsindirip ketken. Al 12 qarasha kúni úsh aılyq merziminde dáriger qabyldaýyna kelýi tıis bolǵan. Biraq ol kelmegen. Sondyqtan medbıke sol kúni keshkisin olardyń úıine barǵan. Úı ıeleri daladan qarsy alyp, qonaqqa barýǵa ázirlenip jatqandaryn aıtqan», – dep vedomstvo ókilderi málim etti. 15 qarashada bala shuǵyl túrde Oblystyq kópbeıindi balalar aýrýhanasyna jatqyzyldy. «Bastapqy dıagnozy: aspırasııalyq sındrom. О́ıtkeni bala aýrýhanaǵa aýyr halde jetkizilgen. Jansaqtaý bóliminde shuǵyl em-dom sharalary júrgizilgenine qaramastan, shaqalaqtyń ómirin saqtap qalý múmkin bolǵan joq", –deıdi dárigerler.

Qazirgi tańda Aqmola oblysynyń ákimi Ermek Marjyqpaev náresteniń ólimin tekserýdi óz baqylaýyna aldy.

"Oblys ortalyǵynda úsh aılyq balanyń kóz jumǵan faktisi boıynsha jaǵdaıdy baqylaýyma aldym. Meniń orynbasarym, Aına Mysyrálimova tóraıym bolyp bekitilgen komıssııa máseleniń egjeı-tegjeıin zertteýde, qorytyndysy BAQ-ta jarııalanatyn bolady. Balanyń ata-anasyna jáne týystaryna óz kóńilimdi bildiremin", – dep Marjyqpaev óziniń instagram paraqshasyna jazdy.  

Oblystyq densaýlyq saqtaý basqarmasynyń málimetine súıensek, náresteniń neden shetinegenin sot-medısınalyq saraptama anyqtaıtyn bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir