Eki adam muz astyna túsip ketti

Oralda eki er adam muz astyna túsip ketti, –  dep Qamshy.kz aqparat agenttigi habarlaıdy.

Batys Qazaqstan oblysyndaǵy tótenje jaǵdaı departamentiniń málimdeýinshe, oqıǵa búgin Jelaev kentinde boldy.

Saǵat 17.30-da "Orys monshasy" aýdanynda jasandy sý qoımasynda konkımen syrǵanaý kezinde er adamnyń muzdyń astyna túsip ketken.

Qutqarýshylar (4 adam, 1 tehnıka) saǵat 17.49-da jetkende eki adamnyń sondaı jaǵdaıǵa tap bolǵany anyqtaldy. Olardyń ekeýi de qutqaryldy. 1989 jylǵy er adam konkımen syrǵanaımyn dep muzdyń astyna túsip ketse,  al 1967 jylǵy azamat oǵan járdem bermek bolǵan.

Oblystyq densaýlyq saqtaý basqarmasynyń baspasóz hatshysy Aınagúl Saqposynova: "1989 jylǵy er adam medısınalyq kómekke júgindi. Jaraqat almaǵan. Denesi tońazyǵan ol qalalyq kópbeıindi aýrýhanaǵa jetkizildi" – deıdi.