• USD 468.56

  • EUR 497.56

  • RUB 7.3

  • CNY 67.18

29 Naýryz, 12:31:59
Almaty
+35°

Túrkistan oblysynyń Qazyǵurt aýdanynda 4 kólik soqtyǵysyp, 15 adam jaraqattandy. Zardap shekken 8 adam jansaqtaý bóliminde jatyr, – dep Qamshy.kz aqparat agenttigi habarlaıdy.

Oqıǵa búgin Qazyǵurt aýdany aýmaǵyndaǵy trassada bolǵan. Soqtyǵysqan 4 kólik bir baǵytta bara jatqan. Jol apatynan keıin avtokólikterdiń birinen órt shyqqan. Oqıǵa saldarynan 15 adam zardap shegip, olardyń 14-i Qazyǵurt aýdandyq aýrýhanasyna jetkizildi.

Oblystyq densaýlyq saqtaý basqarmasynyń málimdeýinshe, jaraqat alǵan 8 adamnyń jaǵdaılary aýyr kúıde.

 "Olar tez arada jansaqtaý bólimine jatqyzylyp, ota jasalýda. Kómekke sanıtarlyq avıasııamen bir top neırohırýrg shaqyrtyldy. Shymkentten jetken mamandar naýqastarǵa operasııa jasap jatyr. Taǵy 3 adam aýrýhananyń jaraqat bólimine jatqyzyldy. 4 adamǵa alǵashqy medısınalyq kómek kórsetilip, olar úılerine qaıtaryldy", –  dep basqarmanyń baspasóz hatshysy Sáýle Aljanbaeva málimdeme jasady.

Oqıǵa ornyna Túrkistan oblysy PD bastyǵy polısııa general-maıory Qaırat Dalbekov baryp, aýdandyq aýrýhanaǵa túsken zardap shekkenderdiń jaǵdaıymen tanysty.

"Bul respýblıkalyq mańyzy bar jol. Jol-kólik oqıǵasy kóktaıǵaq saldarynan boldy. Sondyqtan júrgizýshilerge jol júrý erejelerin saqtaý, jyldamdyqty asyrmaý, manevr jasaý erejelerin buzbaý, bir-birine qurmetpen qaraý, jol boıynda ornalasqan jol belgilerine nazar aýdarý qajet ekendigin eskertemiz", –  dedi Dalbekov.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir