ShQO ákimi azamattardy qabyldap, saýaldaryna jaýap berdi

ShQO ákimi Danıal Ahmetov «Azamattardy qabyldaýdyń biryńǵaı kúni» jalpy respýblıkalyq is-sharasy aıasynda oblys turǵyndaryn qabyldady. Aımaq basshysyna jeke shaǵymdarymen 31 azamattyń aryzy túsip, barlyǵyna tolyqqandy jaýap berildi.

Túsken saýaldardyń basym bóligi densaýlyq saqtaý salasyna, áleýmettik kómek kórsetý, baspanamen qamtamasyz etý máselelerin qamtydy. Ásirese, О́skemen, Semeı qalasynan kelgen azamattar aımaq basshysyna turǵyn úı kezegin ilgerletý, jaldamaly páter berý týraly ótinishterin jetkizdi.

 – Kópbalaly jáne áleýmettik jaǵdaıy tómen otbasylardy baspanamen qamtý máselesi búgingi tańda óte ózekti. Biz barlyǵyn erejege sáıkes arnaıy jumys tobynynyń sheshimimen sheshetin bolamyz. Árıne, bul sanattaǵy azamattar baspanamen eń birinshi kezekte qamtylady. Biraq barlyǵy zańǵa sáıkes júrgiziledi, – dedi oblys ákimi Danıal Ahmetov.

Sonymen qatar, aımaq basshysy Semeı qalasynyń turǵyny Nazgúl Chakenovanyń memleketten estý qabileti nashar azamattarǵa beriletin tegin qurylǵynyń sapasyna qatysty suraqtyń mańyzdylyǵyna toqtalyp ótti. Aryzdanýshynyń aıtýynsha on jasar balasyna óziniń dıagnozy boıynsha arnaıy zamanaýı 16 kanaldy estý apparaty qajet. Máseleni oblystyq jumyspen qamtý jáne áleýmettik baǵdarlamalardy úılestirý basqarmasy basshysyna tikeleı zertteý júkteldi.

– Balalar – bizdiń bolashaǵymyz. Sondyqtan olardyń densaýlyǵy árdaıym aldyńǵy kezekte. Jalpy, 2019 jyly kútimdi qajet etetin azamattarǵa 200 estý apparattarymen qamtyldy. Bul balanyń dıagnozyn eskere otyryp, qajetti apparatty alýǵa tapsyrma beremin, – dedi Danıal Ahmetov.

Jalpyǵa ortaq máseleni kótere kelgen azamattar ishinde oblys ortalyǵyndaǵy Esenberlın 23 úıdiń turǵyny da boldy. Onyń aıtýynsha, merdiger mekeme «VKtehnogrýpp» 9 úıdiń qabyrǵalaryn áli kúnge deıin qaptamaǵan. Sapasyz jasaǵan jumystardyń saldarynan úı qabyrǵalaryn qaptaýy tıis kompanııa isti bir jarym jyl boıy uzynsonarǵa salyp keledi. Nátıjesinde, páter ishine jańbyrly kúni sý kirip, qys boıy aıaz qaryp keledi. Aımaq basshysy merdiger kompanııa men oblystyq qurylys basqarmasy basshysyna tezarada jóndeý júrgizip, 9 úıdiń syrtyn qaptaýdy tapsyrdy.

ShQO ákiminiń baspasóz qyzmeti