• USD 468.56

  • EUR 497.56

  • RUB 7.3

  • CNY 67.18

29 Naýryz, 10:43:17
Almaty
+35°

Alataý aýdanyndaǵy az qamtylǵan kópbalaly otbasylarǵa qoldaý kórsetý úshin «Baqytty otbasy Alataý» ortalyǵy ashyldy. Ortalyqtyń jobalyq qýaty – kúnine 100 adam. Munda az qamtylǵan kópbalaly otbasylardyń jumyssyzdyq deńgeıin tómendetýge, qıyn ómirlik jaǵdaıdan shyǵýlaryna yqpal etetin «Isker ana» baǵdarlamasy qolǵa alynǵan. Alataý aýdanynyń 108 kópbalaly analary «Bastaý Bıznes kásipkerlik negizderi» kýrstary aıasynda «Jas kásipker» jobasy boıynsha 505 000 teńge kóleminde (200 OAK) granttar aldy. Qazirgi kezde aýdannyń taǵy 85 anasy oqýda.

17 kópbalaly analar óz bıznesterin ashty, «Meniń kásibim» jobasy boıynsha 10 kópbalaly ana qajetti taýarlarmen, jabdyqtarmen (tigin mashınalary, peshter, tońazytqyshtar, manıkıýr quraldary, materıaldar jáne basqalary) qamtamasyz etildi, qazir olar óz jobalaryn oıdaǵydaı júzege asyrýda.

Alataý aýdanynyń tuǵyndary «Bıýdjetke qatysý» jobasy aıasynda quny 1,2 mlrd. teńge bolatyn 32 usynys engizdi, 1 mlrd. teńgeniń 26 jobasy daýys berýge jiberildi.

«Open Almaty» saıtyndaǵy ashyq daýys berý nátıjesi boıynsha quny 439, 7 mln. teńge bolatyn 8 joba jeńimpaz atandy.

«Almatylyqtarmen mundaı kezdesýler bizge qalany damytýdyń mańyzdy sheshimderin qabyldaýǵa kómektesedi. Joǵaryda atalǵan jobalar Alataý aýdany turǵyndary ótinishteriniń negizinde júzege asýda. Bul qalalyqtarmen birlesip jumys jasaý kerek degen meniń sózimdi dáleldeıdi», - dep atap ótti qala ákimi Baqytjan Saǵyntaev.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir