Bıylǵy jyly Nurkent yqshamaýdanynda 600 oryndy (№201) jańa mektep ashyldy. №182 mektep bazasynda balalar úıirmeleri (dombyra, shahmat, toǵyz qumalaq) jumys isteýde. Zerdeli yqshamaýdanynda 2022 jyldyń aıaǵyna deıin salynýy tıis 600 oryndy mektep úshin 2 gektar jeri telimi bólindi. 2020 jylǵy jańa oqý jylynda №164 mektep janynan salynatyn 192 oryndy qosalqy nysannyń qurylysy aıaqtalady.

Sonymen qatar, 3,3 myń oryndy tórt mekteptiń jáne mektepter janyndaǵy 400 oryndy qosalqy nysandardyń qurylystary bastalady. 2024 jylǵa deıin jospar boıynsha 4,2 myń oryndy taǵy tórt mektep salynady.

Budan ózge, 720 oryndy qyzmet kórsetý kolledji men 600 oryndy eki bala baqsha salý josparlanǵan.

Jedel medısınalyq kómek kórsetý úshin jedel medısınalyq kómektiń 12-shi qosalqy stansııasy iske qosyldy ári ol tolyq jabdyqtalǵan 18 brıgadamen qamtylǵan. Bul Alataý aýdanynda jedel járdem kóliginiń ortasha ýaqytyn 25-ten 11 mınýtqa deıin qysqartty.

Sonymen qatar, aýysymyna 200 adam keletin dárigerlik ambýlatorııa salý josparlanǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir