• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:56:17
Qazaqstan Ýkraınanyń saýda naryǵyna alańdaýly

23 Qarasha, 2019 NEWS

Saparbaev: Bilim sapasy aqsap barady

Premer-Mınıstriniń orynbasary Berdibek Saparbaev Qostanaı oblysynyń turǵyndarymen kezdesti, – dep Qamshy.kz aqparat agenttigi habarlaıdy.

Saparbaev bilim, densaýlyq, AÁK, bıznes, áleýmettik medısınalyq saqtandyrý salalaryna bólingen qarjylar jáne aldaǵy ýaqytta atqarylatyn jumystar týraly tolyǵyraq túsindirdi.

"Egemendik alǵaly eldiń ustanyp kele jatqan saıasaty –  halyqtyń ál-aýqatyn jaqsartý. Soǵan baılanysty túkpir-túkpirinde kásiporyndar ashylyp, jańa jumys oryndary paıda bolyp, balabaqsha men mektepterdiń sany kóbeıýde. О́zderińiz estip jatqan bolarsyzdar, "Halyq densaýlyǵy týraly" Kodekstiń jobasy Parlamenttiń qaraýyna jiberildi. Soǵan sáıkes, aldaǵy jyldan bastap medısınalyq saqtandyrý júıesi jumys isteı bastaıdy. Qazirgi qoldanystaǵy júıe boıynsha tegin kórsetiletin qyzmetter sol qalpy saqtalyp qalady. Saqtandyrý júıesi qosymsha qyzmetterdi qamtıdy. Jańa júıe boıynsha halyqty dári-dármekpen qamtý, medısınalyq ońaltý qyzmetteri jetile túsedi. Sondaı-aq 2025 jylǵa deıin barlyq eldi mekenderde eń keminde medısınalyq beket nemese emhana bolýy tıis. Munan bólek, apatty jaǵdaıdaǵy barlyq medısınalyq mekemeler jóndeledi ári olardyń materıaldyq-tehnıkalyq bazasy halyqaralyq talaptarǵa sáıkestendiriledi. Baspana alý úshin 10-15 jyl kezekte turýdyń qajeti joq. "Nurly jer", "7-20-25" memlekettik baǵdarlamalar arqyly páter kiltin ıelenýge bolady. Bir sózben aıtqanda, eńbektenip, laıyqty ómir súremin degender úshin barlyq jaǵdaı jasalyp jatyr», –  dedi ol.

Saparbaev kezdesý

Premer-Mınıstriniń orynbasarynyń aıtýynsha, úkimettiń negizgi mindetteriniń biri –  ekonomıka qarqynyn tómendetpeý.

Sondaı-aq kezdesý barysynda Saparbaev bilim salasyna qatysty ózgeristergede  toqtaldy.

"2020 jyly ustazdardyń jalaqysy 30 paıyzǵa kóteriledi. Sonymen qatar, qazir 3 aýysymdy mektepter men apattyq jaǵdaıda dep tanylǵan oqý oshaqtarynyń problemalaryn sheshýge kóńil bólinip jatyr. Sońǵy ýaqytta joǵary bilim sapasy aqsap barady. El boıynsha 132 ýnıversıtet bar. Biraq, barlyǵy birdeı bilikti kadrlardy daıarlaı almaı jatyr. Úkimet komıssııasy osy baǵytta qyrýar sharýa atqarýda. Júktelgen mindetti oryndaı almaıtyn ýnıversıtetter men kolledjder qysqartylýy múmkin", -– dep Premer-Mınıstriniń orynbasary sózin túıindedi.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir