О́zbekstan Respýblıkasyndaǵy qazaqstandyq medısına kúnderi

О́zbekstan Respýblıkasynyń astanasy Tashkent qalasynda «О́zbekstan Respýblıkasyndaǵy Qazaqstan Respýblıkasynyń jyly» egıdasynyń aıasynda qazaqstandyq medısına kúnderi ótip jatyr. Úkimetaralyq kelisimderdiń sheńberinde uıymdastyrylǵan bul is-sharanyń basty maqsaty – eki respýblıkanyń densaýlyq saqtaý, medısınalyq bilim berý júıeleriniń dıalogyn damytý jáne nyǵaıtý, sondaı-aq aýrýlardy jańa tehnologııalar arqyly dıagnostıkalaý jáne emdeý boıynsha tájirıbe almasý, – dep habarlaıdy A.N.Syzǵanov atyndaǵy Ulttyq ǵylymı hırýrgııa ortalyǵynyń baspasóz qyzmeti.

Ulttyq ortalyqtardyń, joǵarǵy oqý oryndarynyń, densaýlyq saqtaý basqarmalarynyń ókilderinen turatyn qazaqstandyq delegasııany Densaýlyq saqtaý mınıstri Birtanov Eljan Amantaıuly bastap bardy.

A.N. Syzǵanov atyndaǵy Ulttyq ǵylymı hırýrgııa ortalyǵynyń delegasııasynyń quramynda ortalyqtyń jetekshi mamandary bar: ıntervensııalyq kardıologııa bóliminiń meńgerýshisi, PhD Baıymbetov Ádil Qudaıbergenuly, endoskopııa bóliminiń meńgerýshisi, densaýlyq saqtaý magıstri Abdrashev Erlan Baıtóreuly, ýrologııa jáne búırek transplantasııasy bóliminiń meńgerýshisi, joǵary sanatty dáriger Ibragımov Ravıl Pashaevıch, aǵa ǵylymı qyzmetker, professor Ilııasova Bıbigúl Saparbekqyzy, gınekologııalyq bólimniń meńgerýshisi, joǵary sanatty dáriger Úsenov Qadyrjan Maratuly, joǵary sanatty gınekolog dáriger Chýpın Aleksandr Nıkolaevıch, strategııalyq bloktyń jetekshisi, medısına ǵylymdarynyń kandıdaty Mirjaqypov Arman Tólegenuly. Ortalyq delegasııasyn Basqarma tóraǵasy, medısına ǵylymdarynyń doktory, professor, QR DSM-niń bas hırýrgy Baımahanov Bolatbek Bımendeuly bastap bardy.

Osy is-sharanyń aıasynda ortalyq mamandary óz jetistikteri men tabystaryn О́zbekstannyń praktıkalyq densaýlyq saqtaý ókilderiniń nazaryna usyndy.

Joǵary deńgeıdegi sessııada Basqarma tóraǵasy Baımahanov Bolatbek Bımendeuly «A.N. Syzǵanov atyndaǵy Ulttyq ǵylymı hırýrgııa ortalyǵynyń medısınalyq tehnologııalar salasyndaǵy jetistikteri» taqyrybynda baıandama jasady.

V.Vahıdov atyndaǵy Respýblıkalyq mamandandyrylǵan ǵylymı-praktıkalyq hırýrgııa ortalyǵy, Respýblıkalyq mamandandyrylǵan ǵylymı-praktıkalyq kardıologııa ortalyǵy, О́R DSM-niń juqpaly aýrýlar jáne vırýsologııa Ǵylymı-zertteý ınstıtýty, О́R DSM-niń Respýblıkalyq perınataldyq ortalyǵy sııaqty О́zbekstan Respýblıkasynyń iri ulttyq ortalyqtarymen seriktestik týraly memorandýmdar bekitildi.

Forýmnyń ekinshi kúni A.N. Syzǵanov atyndaǵy UǴHO-nyń mamandary birneshe sheberlik sabaqtaryn ótkizdi:

Professor Baımahanov B.B. «tiri týystyq donordan búırekti transplantasııalaý kezindegi laparoskopııalyq manýaldyq-assıstendirilgen nefrektomııa» biregeı otasyn jasady.

Intervensııalyq kardıologııa bóliminiń meńgerýshisi, PhD Baıymbetov Á.Q. «Kateterlik radıojıiliktik ablıasııa» tahıkardııasynyń kúrdeli formalaryna birneshe ota jasap, «Júrek rıtmi buzylystaryn ıntervensııalyq emdeýdegi zamanaýı tehnologııalar» taqyrybynda dáris oqydy.

Endoskopııa bóliminiń meńgerýshisi Abdrashev E.B. úsh naýqastyń asqazanyndaǵy epıtelıaldyq ósindilerdi endoskopııalyq jolmen alyp tastaý otasyn sátti túrde júzege asyrdy.

Gınekologtar toby 10 mınıınvazıvti ota (gısterorezekto- jáne laparoskopııalyq operasııalar) júrgizdi. Jatyrdyń laparoskopııalyq ekstırpasııasy boıynsha bir operasııa, sondaı-aq torly protezdiń ornatylýy arqyly gıbrıdtik úsh deńgeıli rekonstrýksııa jasaldy.

Sonymen qatar HEOS zamanaýı hırýrgııalyq tehnologııasy tanystyryldy.

Professor Ilııasova B.S. vırýsologııa ınstıtýtynda «Gepatologııanyń ózekti máseleleri» taqyrybynda dáris oqydy. Birlesken klınıkalyq talqylaýlar barysynda baýyr patologııasy bar naýqastardyń jaı-kúıin tekserip, olarǵa medısınalyq keńes berdi.

О́tkizilgen sheberlik sabaqtaryna ózbekstandyq áriptester erekshe qyzyǵýshylyq tanytyp, ári qaraıǵy jemisti yntymaqtastyqqa jol ashyldy.