QR Prezıdenti janyndaǵy Ortalyq kommýnıkasııalar qyzmetinde ótken brıfıng barysynda ShQO ákimi Danıal Ahmetov aýyl ómirin jandandyryp, shekara mańynda ornalasqan aýyldardaǵy máseleler men turǵyndar sanynyń azaıýyn sheshýge basa nazar aýdarý qajettigin atap ótti.

Aǵymdaǵy jyly tórtinshi deńgeıli bıýdjetke kóshken aýdan ortalyqtary men 100 aýyldyq okrýgte aýqymdy abattandyrý jumystary júrgizildi. Osy maqsatta 4,2 mlrd teńge bólindi. Oǵan aýlalardy kórkeıtý, saıabaqtar men demalys oryndaryn, sondaı-aq balalarǵa arnalǵan oıyn alańdary men sport alańdary salyndy.

Sonymen qatar "Aýyl - el besigi" baǵdarlamasynyń aıasynda 4 tirek eldi meken Glýbokoe, Kókpekti, Kúrshim, Úrjar aýyldarynda jalpy somasy 3,5 mlrd teńgeni (onyń ishinde 1,9 mlrd teńge respýblıkalyq bıýdjet esebinen) quraıtyn 8 joba júzege asyrylýda.

Kúrshim men Úrjar aýyldaryndaǵy kóshelerge ortasha jóndeý jumystary júrgizilip, jabyq basseınder salynýda. Glýbokoe kentinde mádenıet úıiniń qurylysy júrgizilýde. Al Kókpekti aýylynda dene shynyqtyrý jáne saýyqtyrý kesheni salynýda. Osylaısha, 26,5 myń turǵyn jańadan boı kóteretin ǵımarattarmen qamtamasyz etilmek.

2026 jylǵa deıin óńirdegi 116 tirek aýylda aýqymdy jumystar júrgiziledi. Aýyldardy kórkeıtýge kásiporyndar men bıznesmender de úles qosýda. "Týǵan jer" baǵdarlamasy aıasynda quny 1,7 mlrd teńgeni quraıtyn 258 áleýmettik joba iske asyrylýda. Onyń ishinde 162-si "Áleýmettik kartalar bastamasy" atty respýblıkalyq ınteraktıvti platformasyna ózgerister engizbek. Osy maqsatta 230 kópbalaly otbasyǵa 558,5 mln teńge; oblys ortalyǵyndaǵy Mendeleev kóshesin qaıta jaraqtaýǵa 260 mln teńge; Kýrchatovtaǵy jabyq basseındi salýǵa 117 mln teńge; Tarbaǵataı aýdany, Aqjar aýylyndaǵy saıabaq qurylysyna 20 mln teńge; Semeıdegi fýtbol alańyn salýǵa 15 mln teńge jumsalady. Aımaq basshysynyń aıtýynsha, qazirgi kúni "Rýhanı jańǵyrý" baǵdarlamasynyń "Aýyl - el besigi" atty arnaıy jobasy aıasynda Kúrshim, Tarbaǵataı, Katonqaraǵaı, Zaısan, Úrjar sııaqty shekaralyq aýdandarda bes jyldyq baǵdarlama ázirlenýde. Josparǵa sáıkes aýyl sharýashylyǵyndaǵy ınfraqurylym damyp, bilim berý men densaýlyq saqtaý, kásipkerlik salalary órkendep, jańa jumys oryndary ashylady.

Osy maqsatta eń aldymen aýyldardaǵy áleýmettik ortany damytý maqsatynda "Aýyl - el besigi" baǵdarlamasy aıasynda tıisti jumystar atqarylýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir