• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 10:11:37
Qazaqstan Ýkraınanyń saýda naryǵyna alańdaýly

22 Qarasha, 2019 NEWS

"Meniń mektebim" jáne "Bilikti maman" jobalary - bolashaqqa salynǵan ınvestısııa

QR Ortalyq kommýnıkasııalar qyzmetinde ótken brıfıng barysynda ShQO ákimi Danıal Ahmetov bilim berý salasyndaǵy jobalardyń nátıjesi týraly málim etti.

Kóptildilik, joǵary bilim alý úshin mamandyqty durys tańdaý - jastar arasyndaǵy básekege qabilettilikti arttyrýdyń birden-bir joly.

Úshtildilik baǵdarlamasy aıasynda 3,5 myń til mamany biliktilikti arttyrý kýrsynan ótti. Qazaq jáne aǵylshyn tilderinde jaryq kórgen 450 myńnan astam jańa oqýlyqtar satyp alyndy. Nátıjesinde muǵalimderdiń ádistemelik quraldy meńgerý deńgeıleri 14%-dan 80%-ǵa deıin ósti. Al bilim sapasy 20% artty.

Bıyl kóptildilikti damytý baǵdarlamasy aıasynda fransýz jáne nemis tilderin oqytý qolǵa alyndy. Aldaǵy úsh jyldyń ishinde 3,7 myń muǵalim biliktilikterin arttyrady. "Meniń mektebim" jobasy aıasynda 476 fızıka, hımııa, bıologııa jáne robotty tehnıka kabınetteri jabdyqtaldy. Oǵan mesenattar jalpy somasy 2,8 mlrd teńgeden astam qarajat bóldi. 647 IT-synyp ashyldy. Onda balalar robotty tehnıka, 3D-modeldeý jáne baǵdarlamalaý boıynsha tegin bilim alýda. Bıyl oblystaǵy 371 shaǵyn komplektili mekteptegi bilim sapasyn arttyrý maqsatynda 2876 tehnıka satyp alyndy. Osy mektepterde jumys isteıtin 573 muǵalim arnaıy kýrstan ótti. Mundaǵy maqsat - IT-klasstarda sabaq berýdi meńgerý.

Al robotty tehnıka, mehatronıka jáne baǵdarlamalaý pánderinen sabaq berý úshin 1127 muǵalim "IT-maman" kýrsynan ótti. Bul óz kezeginde jaratylystaný jáne ǵylymı baǵytaǵy bilim kórsetkishin 44%-dan 66%-ǵa deıin arttyrýǵa múmkindik berdi.

- Aýyl men qaladaǵy bilim sapasynyń kórsetkishteri teńesti. Osylaısha, óńirdegi barlyq bala IT-baǵdarlamalardy meńgerýge qol jetkizdi, -dep atap ótti Danıal Ahmetov.

Oblystaǵy mektepterdiń oqýshylary IT-jarystarǵa qatysyp, bul salada zor jetistikterge jetýde. Aǵymdaǵy jyldyń naýryz aıynda ótken Skills for geeks atty úsh kezeńnen turatyn chempıonatqa 277 top qatysty. Onyń ishinde aýdandardan 2134 bala keldi.

Bıyl oblysta alǵash ret "Jastar time” atty IT-hakaton ótti. Oǵan 14 komanda qatysty. 40-tan astam bala úzdik jobalaryn usyndy.

Jastar jylyna oraı oblys ortalyǵynda 16-mamyr kúni "Jastar time” atty VII-festıval ótti. Onda mektepter men kolledjderden kelgen 200-den astam bala men stýdentter qatysty. 95 joba usyndy. Tórt kezeń boıynsha baq synasty. Atap aıtsaq, "Meıkerlik", "Junior skills”, “Startup-jobalar", “Cluster Pro”’ jáne robo polıgon kezeńderi. Úzdik IT-jobalardy usynǵan qatysýshylar marapattaldy. Onyń ishinde mektep oqýshylarynyń 10 Start-up jobasy iske asyryldy. Olarǵa “Digital East - bolashaqqa qadam" atty IT-forýmda granttar taǵaıyndaldy. Osy maqsatty jalpy somasv 10,6 mln teńge bólindi.

Osyndaı jobalardyń arqasynda jastardyń ınjenerlik grafıka, robotty tehnıka jáne avıasııalyq júıeni pılotsyz basqarý, mehatronıka salalaryna degen qyzyǵýshylyqtary artýda.

Aımaqtaǵy JOO-nyń básekege qabilettigin arttyrý jáne túlekterdiń shetelge ketýin azaıtý maqsatynda "Bilikti maman" jobasy iske asyrylýda. Kúni búginge deıin ShQO-da eńbek naryǵynda suranysqa ıe kadrlardy daıarlaý úshin 1046 grant bólindi. Onyń ishinde 400-i bıyl taǵaıyndaldy. Bul 2016 jylǵy kórsetkishpen salystyrǵanda shetelge ketetin túlekterdi 48%-dan 56%-ǵa deıin azaıtýǵa múmkindik berdi. Osylaısha, ózge memleketterde bilim alýǵa nıetti jastardyń sany 3 esege azaıdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir