ShQO-daǵy densaýlyq saqtaý salasynda JCI standarty boıynsha qyzmet kórsetý oń jolǵa qoıyldy

QR Prezıdenti janyndaǵy Ortalyq kommýnıkasııalar qyzmetinde ótken brıfıng barysynda ShQO ákimi Danıal Ahmetov densaýlyq saqtaý salasyndaǵy bes baǵytty damytýǵa basymdyq beriletinin atap ótti.

Aımaq basshysy densaýlyq saqtaý salasyn órkendetý eń basty mindetterdiń biri ekenin aıtty. Osy maqsatta oblysta 3 jyldyq keshendi jospar jasalǵan. 2016 jyldan bastap emhanalardy halyqaralyq standarttarǵa sáıkes jabdyqtaý jáne emdeý barysynda qoldanylatyn aldyńǵy qatarly tehnologııalardy ınvestısııalaý, álemdegi ozyq emhanalar men elimizdegi jetekshi klınıkalarda mamandardy qaıta daıarlaýdan ótkizý jumystary júrgizilýde. Sonymen qatar sıfrlandyrý kezeń-kezeńimen iske asyrylýda. Búginde óńirimizde respýblıkadaǵy joǵary tehnologııalarmen jabdyqtalǵan ǵylymı ortalyqtardyń fılıaldary ashylýda. Sondaı-aq óńirdegi medısınalyq mekemeler JCI standarty boıynsha qyzmet kórsetýde.

- Oblystyq baǵdarlamany iske asyrý maqsatynda 22,3 mlrd.teńge bólinip, 1080 qural alyndy. Bul tıisti nátıjesin berdi. Osylaısha, joǵary tehnologııaly medısınalyq tehnıka kólemi 2,5 ese artyp, halyqaralyq aýdıt jumystarynyń 85 paıyzy oryndaldy. Aǵymdaǵy jyl sońyna deıin bul kórsetkish 100 paıyzdy quramaq, - dedi Danıal Ahmetov.

Medısınalyq uıymdardy jabdyqtaý medısınalyq ortalyqtardyń qurylyp, halyqaralyq standarttarǵa sáıkes joǵary sapaly medısınalyq qyzmet kórsetýine múmkindik berdi. О́ńirde robotty hırýrgııa ortalyǵy, kópjaraqat pen ortopedııa ortalyqtary ashyldy. Altaı men Aıagóz aýdandarynda II deńgeıdegi ınsýlt ortalyqtary boı kóterdi. Sondaı-aq naýqastardyń dıagnozyn anyqtaý maqsatynda onkologııa jáne hırýrgııa ortalyǵynda MRT iske qosyldy. Semeıdegi jedel medısınalyq járdem aýrýhanasynda gıbrıdti hırýrgııalyq operasııalar jasaý úshin jańadan zal ashyldy. Jekemenshik seriktestik aıasynda oftalmohırýrgııa ortalyǵy qoldanysqa berildi. Atalmysh mekeme zamanaýı qural-jabdyqtarmen qamtamasyz etildi. Onda joǵary bilikti mamandar jumys isteıdi. Semeıde 200 oryndyq balalar aýrýhanasynyń qurylysy aıaqtalýǵa jaqyn. Budan bólek О́skemende 300 adamǵa arnalǵan kópsalaly aýrýhanany salý máselesi qarastyrylýda. 2021 jyly Semeı ıadrolyq medısınalyq ortalyǵynyń qurylysy aıaqtalady. Sonymen qatar aımaqta onkologııa, kardıologııa, bosandyrý jáne bala, aýdandyq aýrýhanalardaǵy bas dárigerlerge arnalǵan menedjment úsh kezeńge arnalǵan baǵdarlama negizinde oqytylýda. Oqýdyń birinshi kezeńinde 3,7 myń dáriger Semeıdegi medısına ýnıversıteti men respýblıkalyq ǵylymı zertteý ınstıtýtynda bilim aldy.

Ekinshi kezeńde 1,5 myń dáriger 86 sheberlik synybyna qatysty. Oǵan qazaqstandyq jáne álemdik deńgeıdegi bilikti mamandar tartyldy. Dáris oblystaǵy emhanalardyń bazasynda ótti. Úshinshi kezeńde 276 maman Ulybrıtanııa, Germanııa, Japonııa, Italııa, Polsha, Lıtva men Izraıl elderine baryp, biliktilikterin arttyryp qaıtty. Al 2020 jyly 300 medısına qyzmetkerin shetelge jiberip oqytý josparlanýda. Qazirgi kúni medısınalyq mekemeler "Altyn standart" JCI halyqaralyq standarty boıynsha akkredıtasııadan ótýde. Ázirshe bul jumystar Semeıdegi jedel járdem aýrýhanasynyń bazasynda júrgizilýde. 2021 jylǵa deıin dál osyndaı medısınalyq qyzmet kórsetý standarty О́skemendegi ana men bala ortalyǵyna kelýshilerge de kórsetilmek.

- Aıta keteıik, 3 jyldyq keshendi jospar qurýdyń nátıjesinde sábı ólimi 22%, endi ǵana paıda bolǵan qaterli isik kórsetkishi 4,5% azaıdy. Onyń aldyn alý úshin dıagnostıkalaý men emdeýdiń 130 myńnan astam jańa túri engizildi. Sondyqtan turǵyndar medısınalyq qyzmet kórsetý sapasynyń damýyna 134% berip, kóńilderi tolǵanyn kórsetip otyr. Al qaterli isikti erte bastan anyqtaý jumysy 106% qurady, - dep qortyndylady Danıal Ahmetov.