• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:52:05
Qazaqstan Ýkraınanyń saýda naryǵyna alańdaýly

22 Qarasha, 2019 NEWS

Abaıdyń sırek kezdesetin týyndylary Londonda kórsetiledi

QR Prezıdenti janyndaǵy Ortalyq kommýnıkasııalar qyzmetinde ótken brıfıng barysynda ShQO ákimi Danıal Ahmetov Uly Abaıdyń 175-jyldyǵyna oraı júrgizilip jatqan daıyndyq jumystary týraly keńinen aıtyp berdi.

Ol oblysta osy sharany keń aýqymda atap ótý úshin arnaıy jospar jasalǵannyn atap ótti. Josparǵa sáıkes aqsaqaldar, ǵalymdar, abaıtanýshylar, onyń ishinde Ǵarıfolla Esim, Rollan Seısenbaev, Arap Espenbetov bar. Barlyǵy 560 is-shara ótedi, 24-i halyqaralyq deńgeıde Ulybrıtanııada, Reseıde, Túrkııada, Polshada, Qytaıda, 21 respýblıkalyq, 515 oblystyq shara uıymdastyrylady.

Budan bólek "Rýhanı jańǵyrtý" baǵdarlamasynyń aımaqtyq baǵdarlamasyna aqynnyń mereıtoıyn engizý josparlanýda. Aǵymdaǵy jyl sońyna deıin "Abaıtaný" kýrsynyń keshendi oqý-ádistemelik kesheni ázirlenedi. Osy maqsatta ǵalymdar tartylady. Keıinnen bul ǵylymı-zertteý ınstıtýttarynyń jumysy oblystaǵy kolledjder men mektepterge taratylady. Bilim jáne ǵylym mınıstrliginiń qoldaýymen 2020 jyldan bastap 5-8 synyp oqýshylaryna elevtıvti kýrs retinde engiziledi. Sonymen qatar pedagogıkalyq kolledjderdiń stýdentteri de osy kýrsty oqıtyn bolady.

2019 jyldyń qarasha aıynan bastap 280 muǵalim arnaıy kýrstan ótedi. Olarǵa JOO-daǵy abaıtanýshylar dáris beredi.

2020 jyldyń sáýir aıynda oqýshylar men stýdentter arasynda IT-hakaton ótedi. Basty maqsat – IT-sheshimder arqyly Abaı týyndylaryn nasıhattaý.

Bilim berý salasynda Abaı shyǵarmalaryn nasıhattaý úshin olımpıadalar, dárister júrgiziledi. Jeńimpazdar Jıdebaı-Bórili, Aqshoqy týrıstik baǵyttary boıynsha, sondaı-aq Abaı, Áýezov, Dostoevskıı murajaılaryn baryp, kózben kórip qaıtýǵa múmkindik alady. Oǵan shamamen 225 myń oqýshy men stýdent qatysady dep josparlanýda.

2020 jyldyń tamyz aıynda Abaı atyndaǵy qazaq tilin tereńdetip oqytatyn oblystyq mamandandyrylǵan mekte-gımnazııasy ashylady. Sondaı-aq О́skemendegi № 46 jalpy bilim beretin orta mektep pen Abaı aýdanyndaǵy Qaraýyl aýylynda 300 oryndyq mektepte qazaq tili tereńdetilip oqytylady. Al kelesi oqý jylynda oblystaǵy 277 tolyq komplektili mektep pen eki pedagogıkalyq kolledjde "Abaıtaný" kabınetteri ashylady. Joǵary oqý oryndarynda "Adam bol" atty ǵylymı zertteý jobalary qolǵa alynady (D.Serikbaev atyndaǵy ShQMTÝ. Basty maqsat – jastar arasynda Abaı murasyn nasıhattaý. "Abaı jáne HHI" ǵasyr atty elevtıvti kýrsy engiziledi. Ony 1-4 kýrs stýdentteri oqıdy. Sondaı-aq Shákárim atyndaǵy Semeı memlekettik ýnıversıtetiniń bazasynda "Hakim Abaı" jobasy iske asyrylýda. Onda Abaı murasyn nasıhattaıtyn baspalar shyǵarylady. Oǵan abaıtanýshy Arap Espenbetov jetekshilik etedi.

Mádenıetti damytý baǵdarlamasy aıasynda "Shyǵys Qazaqstannyń ejelgi baılyǵy" jobasy qolǵa alyndy. Bul joba aıasynda "Altyn uly dala" atty kóshpeli arheologııalyq kórme uıymdastyrylady. Ulybrıtanııadaǵy Kembrıdj ýnıversıtetinde 26 mamyr men 16 tamyz aralyǵynda osy kórme ótedi. Onda "Uly dalanyń uly uldary" atty ádebı-sýrettemelik kórme bólimi ótedi. Munda kelýshilerdiń nazaryna sırek kezdesetin qorlar usynylady. Onyń ishinde Abaı shyǵarmashylary da bar. Sondaı-aq "Abaı – uly oıshyl" atty sýretshilerdiń pleneri ótedi. Oǵan otandyq jáne sheteldik qylqalam sheberleri qatysady.

Klassıkalyq oryndaýshylardyń qatysýymen "Aq Ertis" halyqaralyq baıqaýy ótedi. "Abaı álemi" kitaptar serııasy shyǵarylady. Onda ádebı muralar men óńirdegi jazýshylardyń potensıaly tolyq kórsetiledi. Abaı murasyn nasıhattaý maqsatynda fotoalbomdar men mýzeılerge arnalǵan katologtar shyǵarylady.

– Mereıtoıdy ótkizýdegi basty maqsat – Abaı murasyn álemdik qoǵamdastyqqa tanytý. Sóıtip Qazaqstandaǵy gýmanızmniń joǵary deńgeıin kórsetip, elimizdegi tatýlyq pen ashyqtyqty ózge elderge pash etý, – dedi Danıal Ahmetov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir