22 Qarasha, 2019 Oqıǵalar

"Qaryzǵa battym": 87 mln teńge urlap, qashyp ketken jigittiń anasyna jazǵan haty tabyldy

Jaýap alý barysynda ol jańa ómir bastaǵysy kelgenin aıtty. Tipti ózine plastıkalyq ota jasaǵysy kelgenin aıtty. Biraq biz ony ýaqytynda qolǵa túsirdik

Bankten 87 mln teńge urlap, shekara asyp ketken jigittiń haty tabyldy dep jazady Qamshy.kz aqparat agenttigi kstnews.kz saıtynyń deregin negizge alyp. Bul týraly Qostanaı oblystyq polısııa departamentiniń basshysy Beket Aımaǵambetov habarlady. 

Myrzabaı Shalbaev aqsha aıyrbastaý úshin bankke úlken kólemdegi soma alyp kelgen. Beınejazbadan kúdiktiniń kassaǵa ótip, kassır basqa jaqqa qaraǵan ýaqytta aqshany sómkesine salyp alyp ketkenin baıqaýǵa bolady.  Kelesi kúni ol Reseı shekarasynan ótip ketedi. 

"Biz onyń jas jigit ekenin eskerdik. Ol bizdiń qalaı qarýlanǵanymyzdy, qandaı tehnologııany qoldanatynymyzdy bilmeıdi. Onyń qaıtken kúnde de ınternet qoldanady dep boljam jasadyq. Kúdikti Chelıabınskke jetkende páter jaldaǵan. Biz arnaıy top quryp, Chelıabınskke bardyq, qasymyzda bank qaýipsizdigi qyzmetiniń ókili boldy. Chelıabınsk aýdandyq Ishki ister basqarmasyna ózim habarlastym, qyzmetkerlerin bizge jiberýin suradym. Taksı júrgizýshisi kúdiktini qaldyryp ketken jerden jumysymyzdy bastadyq. Izderimen júrip, taptyq. Ol óz isin biledi, eshbir qatesiz áreket etti, telefondaryn laqtyryp jiberdi, páterden shyqpaı otyrdy. Ony kompıýterlik tehnologııalardyń kómegimen taptyq", - dedi Beket Aıtmaǵambetov. 

Keıin kúdikti barlyq telefondaryn laqtyryp jibergen. 

"Jaýap alý barysynda ol jańa ómir bastaǵysy kelgenin aıtty. Tipti ózine plastıkalyq ota jasaǵysy kelgenin aıtty. Biraq biz ony ýaqytynda qolǵa túsirdik", - deıdi Beket Aıtmaǵambetov. 

Kúdikti Jitiqarada jaldaǵan páterine anasyna hat qaldyryp ketken. 

"Men qaryzǵa battym. О́mirimde mundaı jaǵdaıǵa tap bolamyn dep eshqashan oılamadym", - dep jazǵan hatynda. 

Eske sala ketsek, Jitiqara qalasyndaǵy ekinshi deńgeıdegi bank qyzmetkeri 87 mln teńge urlap, Qazaqstannan qashyp ketti degen kúdikke ilingen. Keıinirek er azamat Reseıdiń Chelıabınsk qalasynda qolǵa tústi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir