• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:41:07
Qazaqstan Ýkraınanyń saýda naryǵyna alańdaýly

21 Qarasha, 2019 NEWS

«Almaty Investment Forum-2019» forýmyna kimder qatysady?

Qala ákimdiginiń baspasóz ortalyǵynda Almatyda 27 qarashada ótetin «Almaty Investment Forum-2019» máselelerine qatysty brıfıng ótti.

Forýmnyń basty taqyryby – Qazaqstannyń ońtústik astanasynyń ınvestısııalyq tartymdylyǵyn arttyrý. Forýmǵa iri álemdik jáne qazaqstandyq kompanııalardyń basshylary, QR vedomstvolarynyń, qarjy ınstıtýttarynyń jáne halyqaralyq uıymdardyń ókilderi qatysady dep habarlady, - Almaty qalasy kásipkerlik jáne ınvestısııalar basqarmasynyń basshysy Erkebulan Orazalın.

Qazirgi kezde shaqyrylǵandardyń ishinen 350-den astam adam ózderiniń qatysatynyn rastady. Olardyń arasynda álemniń 20-dan astam elinen (Ulybrıtanııa, AQSh, Germanııa, Fransııa, Túrkııa, BAE, Katar, Indııa jáne basqalary) 200-ge jýyq sheteldik qatysýshy bar.

Forýmnyń barysynda «Almatyǵa ınvestısııalyq kózqaras: yntymaqtastyqtyń jańa múmkindikteri» taqyrybynda plenarlyq otyrys, birqatar paneldi sessııalar men «dóńgelek ústelder» ótedi, bularda ınnovasııany, kásipkerlik pen týrızmdi, bilim men densaýlyq saqtaýdy ınvestısııalaýdy damytý máseleleri, jyljymaıtyn múlik naryǵynyń basty baǵyttary talqylanady.

Anyqtama:

1. «Smart-sıtı: adamdar, qala jáne jańa tehnologııalar» (paneldi sessııa).

2. «Jyljymaıtyn múlik trendileri : ınvestısııalyq áleýet jáne jańa tehnologııalar» ("dóńgelek ústel").

3. «Bolashaqtyń irgetasy: bilimge, ǵylym men densaýlyq saqtaýǵa ınvestısııa tartý» ("dóńgelek ústel").

4. «Iri ınfraqurylymdyq jobalardyń geoekonomıkasy: Almaty Uly Jibek jolynyń ortalyǵynda» (paneldi sessııa).

5. «О́sim men ınnovasııany damytýdyń bolashaq sektorlary (paneldi sessııa).

6. «Týrızmdi damytý. Almaty týrızmniń jańa halyqaralyq ortalyǵy ispetti» (paneldi sessııa).

Talqylaýǵa 20-dan astam vıp-spıkerler men moderatorlar qatysady, olardyń arasynda East-West Digital News negizin qalaýshylardyń biri jáne bas redaktoryAdrıan Hennı,Tie Global Qaýymdastyǵynyń prezıdenti Mahavır Pratap Sharma,Crimson Logic vıse-prezıdentiIong Vı Tan,Boston BIOPHARMA quryltaıshylarynyń biri, dırektorlar keńesiniń múshesiGregorı Vodjaka jáne basqalary bar.

Búgingi kúnge deıin bekitilgen spıkerlerdiń ishinde mynalar bar: Qatar Invest LLC & Dome Group Financial Advisors Ltd keńesshisi, Túrkııanyń burynǵy vıse-premer-mınıstri (2015-2018) - Mehmet Shımshek; Lordtar palatasynyń múshesi, Ulybrıtanııanyń saýda jáne ónerkásip eks-mınıstri, áleýmettik qamsyzdandyrýdyń eks-mınıstri - Lord Pıter Lıleı; Katardyń Saýda-ónerkásip palatasynyń vıse-prezıdenti Mohammed Bın Taýar Al-Kavarı; McKinsey Jahandaný ınstıtýtynyń dırektory Djonatan Votsel, NOKIA vıse-prezıdenti Mıkko Lavantı; TAV Airports prezıdenti Sanı Shener; Google vıse- prezıdenti Meır Brand bar.

Financial Times bas redaktorynyń orynbasary Djeıms Kıng plenarlyq otyrystyń moderatory bolady.

Forým barysynda birqatar memorandýmdarǵa qol qoıý josparlanǵan.

Qazaqstandaǵy halyqaralyq kompanııalar ókildikteri arasynan forýmǵa qatysatyndar: EBRR, EVROBAK, ABR, Búkilálemdik Bank, Qazaqstandaǵy Qytaı banki, MUFG Bank, Tengri Bank, Al Hilal Bank, Mitsubishi, EY, PwC, KPMG, Samsung, Nokia, Sun Pharma, BASFC.A., Philip Morris International, CNPC, Chevron jáne basqalary.

Jalpy, Almaty sheteldik ınvestorlar úshin barynsha tartymdy óńir boldy jáne solaı bolyp qala beredi. Investısııalyq forým halyqaralyq baılanystardy nyǵaıtýdyń jáne uzaq merzimdi kelisimderdi jasaýdyń úzdik dıalog alańyna aınalady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir