• USD 389.52
  • EUR 429.21
  • RUB 6.07
  • CNY 54.94
20 Qańtar, 07:56:28
Qazaqstan Ýkraınanyń saýda naryǵyna alańdaýly

21 Qarasha, 2019 NEWS

Semeıde "Kazbat" kórkem fılminiń  kórsetilimi ótti

Atalmysh fılmdi kórermender elimizdiń barlyq kınoteatrlarynan 21 qarashadan bastap orys jáne qazaq tilderinde kórý alady. Ol tarıhı  oqıǵalarǵa negizdelgen.

Munda QR áskerı qyzmetshileriniń tájik-aýǵan shekarasynda bitimgerlik maqsatta qyzmet atqarý barysynda, 1995 jyly kóktemde bastarynan ótkergen oqıǵa baıandalady. 7 sáýir kúni  Pshıharv shatqalynda Qazaqstan Ishki áskeriniń jetinshi qurama rotasy sodyrlardyń tutqıyldan jasaǵan shabýylynyń ot pen oqtyń qursaýyna túsip qalady.

Bul urysta 17 áskerı qyzmetshi oqqa ushyp, 33 adam jaraqat alǵan edi. Aýǵan jaǵynan shabýyl jasaǵan Tájikstandaǵy zańsyz oppozısııanyń sodyrlary bir saǵattyń ishinde Tájikstan aýmaǵyna ótip ketýdi josparlaǵan bolatyn. Biraq olarǵa qarsy shabýyldyń óte kúshti bolǵandyǵynan, bes saǵattyq qarýly qaqtyǵystan keıin keri sheginýge májbúr bolǵan.

Bul oqıǵa Qazaqstan Respýblıkasy Ishki áskerleriniń tarıhyndaǵy eń qaıǵyly oqıǵa bolyp qalady. Qaza bolǵandardyń beseýi ekinshi dárejeli "Aıbyn" ordenimen marapattaldy. Qaza tapqan sarbazdardyń kópshiligi Shymkent qalasynyń 6506 áskerı bóliminde bolǵan.

Fılmniń prodıýseri - Danııar Ibragımov, al ıdeıa avtory - QR Ulttyq ulanynyń Bas qolbasshysy general-leıtenant Rýslan Jaqsylyqov.

Fılmniń túsirilimi Almaty oblysy, Ile ózeniniń jaǵasynda ótti.

Aldaǵy ýaqytta fılm 10 serııadan turatyn serıal túrinde túsiriledi. Fılmniń televızııalyq nusqasy "Qazaqstan" telearnasynda kelesi jyldyń 7 sáýirinen bastap, qarýly qaqtyǵystyń  25 jyldyǵyna oraı kórsetiledi.

a

a

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir