Elorda turǵyndaryna 17 saǵat gaz berilmedi

Redýktory qatyp qalǵan "Aqbota" turǵyn úı kesheniniń tutynýshylary 17 saǵat gazsyz otyrdy – dep Qamshy.kz aqparat agenttigi habarlaıdy, qalalyq orta sapasy jáne baqylaý basqarmasyna silteme jasap.

Baqylaý basqarmasynyń aqparatyna súıensek, 19 qarasha kúni keshki saǵat 20:00-de Respýblıka dańǵylyndaǵy 43a mekenjaıynda ornalasqan "Aqbota" turǵyn úı kesheninde gazgolder redýktorynyń qatyp qalýyna baılanysty, tutynýshylarǵa gaz berilmegen.

"Apattyq qyzmet pen "AstanaGazQyzmet" JShS eksplýatasııa qyzmetiniń qalpyna keltirý jumystary jáne "Nur-Sultan Ortalyq gazben qamtý" ortalyǵynyń jóndeý jumystary arqyly, 20 qarashada saǵat 13:25-te turǵyndarǵa gaz berildi", – dep qalalyq orta sapasy jáne baqylaý basqarmasynyń baspasóz qyzmeti málimdedi.

"AstanaGazQyzmet" JShS aıtýynsha, qysqy sýyqta redýktordyń qatyp qalýy syndy tehnıkalyq jaǵdaılardyń bolýy qalypty.