• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:35:36
Qazaqstan Ýkraınanyń saýda naryǵyna alańdaýly

19 Qarasha, 2019 NEWS

Almatyda medısınalyq qyzmet kórsetýdiń sapasyn arttyrý máseleleri qaraldy

Qazaqstan Respýblıkasynyń Prezıdenti Qasym-Jomart Toqaevtyń Almatyny damytý jónindegi keńeıtilgen keńeste bergen tapsyrmasyn oryndaý maqsatynda qala ákiminiń orynbasary Erjan Babaqumarov shtabtyń kezekti otyrysyn ótkizdi, dep jazady ákimdiktiń resmı saıty.

Jıynda qan aınalymy júıesi aýrýlarynan, jaraqattar men jazataıym oqıǵalardan bolatyn ólim-jitim kórsetkishterin tómendetý, sondaı-aq hırýrgııalyq qyzmettiń sapasyn arttyrý máseleleri qaraldy. Qalalyq aýrýhanalar men emhanalardyń bas dárigerleriniń esebin tyńdaǵan shahar basshysynyń orynbasary E.Babaqumarov ınsýlt, ınfarkt, sondaı-aq ómirge qaýip tóndiretin jaraqattarmen kúresý jumystaryn kúsheıtý qajettigin atap ótti.

«О́lim deńgeıin tómendetý boıynsha josparly jáne júıeli jumys isteý qajet. Ár bas dáriger aýrýdyń órshýine áser etetin faktorlardy anyqtap, ólim-jitimniń aldyn alýǵa yqpal etetin sheshimderdi tabýy tıis», – dedi Erjan Babaqumarov.

Jıynǵa qatysýshylardyń pikirinshe, medısınalyq jabdyqtardy jańartý arqyly kórsetiletin qyzmettiń sapasyn kóterýge bolady. Esterińizge sala keteıik, qala ákimi B.Saǵyntaevtyń tapsyrmasyna sáıkes aldaǵy úsh jylda Almatynyń medısınalyq mekemelerin 90% zamanaýı jabdyqtarmen qamtamasyz etý kózdelgen.

Budan ózge medqyzmetkerlerdiń bilim sapasy men biliktiligin arttyrý, sondaı-aq bolashaq dárigerlerdi daıarlaý máselesi týraly aıtyldy. Keńeske Qoǵamdyq densaýlyq basqarmasy basshysynyń m.a. A.Madeeva, «áleýmettik medısınalyq saqtandyrý qory» KEAQ Almaty boıynsha fılıalynyń dırektory T.Ábildaev, QDSB basshysynyń orynbasary A.Bısenbaeva, QDSF dırektorynyń orynbasary J.Kenjebaeva qatysty. Joǵaryda atalǵan máselelerdi sheshý boıynsha júrgizilgen jumystary týraly №7 qalalyq klınıkalyq aýrýhananyń bas dárigerleri M.Ramazanov, qalalyq jedel járdem aýrýhanasy S.Beısenbekov, №12 qalalyq emhanadan R.Súleımenov, UOS bas dárigeri N.Dáýrenbekova, «Medıttera» JShS dırektory S.Qospanov, №21 qalalyq emhana bas dárigeriniń m.a. D.Tapalova jáne №18 QP bas dárigeriniń m.a. B.Smaǵulova baıandama jasady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir