• USD 468.56

  • EUR 497.56

  • RUB 7.3

  • CNY 67.18

29 Naýryz, 09:30:51
Almaty
+35°

Qoǵamdyq saıasat ınstıtýty qarasha aıynda júrgizilgen áleýmettik zertteý nátıjelerin jarııalady. Baspasóz-brıfıngi barysynda jýrnalısterge qoǵamdyq pikirdi baǵalaýdyń negizgi kórsetkishteri osy jyldyń tamyz aıyndaǵy kórsetkishtermen salystyra otyryp usynyldy. Sondaı-aq qazaqstandyqtar «Nur Otan» partııasynan ne kútetin týraly da sóz boldy dep jazady Qamshy.kz aqparat agenttigi. 

Instıtýt dırektory Iýlııa Kýchınskaıanyń málimdeýinshe, saýalnama qorytyndysy boıynsha «Nur Otan» partııasy birinshi kezekte baqylaýǵa alýy tıis aımaqtardaǵy eń negizgi 5 másele anyqtaldy. Atap aıtqanda, bul – jalaqyny kóterý, sybaılas jemqorlyqqa qarsy kúres, bilim berý jáne densaýlyq saqtaý salasyndaǵy máselelerdi sheshý, sonymen qatar, áleýmettik teńsizdikke qarsy kúres.

«Qarashada biz qoǵamdyq-saıası ahýal men naqty «Nur Otan» partııasyna degen pikirge kezekti ret zertteý júrgizdik. Saýalnamaǵa elimizdiń barlyq aımaqtarynyń respondentteri qatysyp, ol «face to face» (betpe-bet) túrinde júrgizildi. Partııa reıtıngisiniń dınamıkasyn zerdeleýge, onyń qyzmetin baǵalaýǵa, qazaqstandyqtardyń partııadan ne kútetindigine basty nazar aýdaryldy», - dedi Iýlııa Kýchınskaıa.

Onyń aıtýynsha, partııanyń jumysyn qaıta jandandyrý týraly habarlanǵannan beri arada az ýaqyt ótse de, saýalnamalar oń ózgeristerdi kórsetti. «Nur Otan»-nyń elektoraldyq reıtıngi 10% ósti.

«Júrgizilgen áleýmettik zertteýlerge súıene otyryp, eger partııa halyqpen dıalog ornatyp, turǵyndar aldynda únemi esep berip, tyń bastamalar kóterse jáne saılaýǵa qarapaıym halyqtyń óz ishinen shyqqan adamdardy usynatyn bolsa, qazaqstandyqtar «Nur Otan»-dy qoldaýǵa daıyn dep qorytyndy jasaýǵa bolady. Munyń barlyǵy Nursultan Nazarbaevtyń bastamasymen qolǵa alynǵan qaıta jandandyrý aıasynda, sońǵy birneshe aı boıy «Nur Otan» júzege asyryp kele jatqan negizgi baǵyttar. «Nur Otan»-nyń elektoraldyq reıtıngi 10% ósti. Tamyz aıynda saýalnamaǵa qatysqandardyń 55,3% saılaýda partııany qoldaýǵa daıyn bolsa, al qazir azamattardyń 65,8% «Nur Otan»-ǵa daýys berýge nıetti», - dedi ol.

Sonymen qatar, Iýlıı Kýchınskaıa «Nur Otan» partııasy azamattar óz quqyqtary buzylǵan jaǵdaıda shaǵymdanatyn top-5 ınstıtýttyń qatarynan oıyp oryn alǵanyn aıtty. Bul bestiktiń kóshin 45,4 paıyzben sot júıesi bastasa, al ekinshi orynda 27,2 paıyzben «Nur Otan» partııasy tur. Munyń ózi azamattardyń partııaǵa degen senimin kórsetedi.

«Jalpy, saýalnamaǵa qatysqan árbir úshinshi adam partııanyń jumysy sońǵy 6 aıda aıtarlyqtaı jaqsarǵanyn jetkizdi. Olardyń 41,8% partııa halyq úshin ózekti máselelerdi kóteredi dep esepteıdi. Bul sondaı-aq, aımaqtardaǵy jumys qarqynynyń artýymen de baılanysty. 14 qala men aýdanda partııanyń kadrlyq rezervine pılottyq rejımde irikteý júrgizildi. Barlyq eldi mekenderde túıitkildi máseleler men olardy sheshý joldarynyń kartasyn jasaý jumystary bastaldy. Qoǵamdyq qabyldaý bólmeleriniń, sybaılas jemqorlyqqa qarsy kúres, balalardyń, kóp balaly jáne az qamtylǵan otbasylardyń quqyqtaryn qorǵaý jónindegi partııalyq qurylymdardyń jumysyn kúsheıtý de nazardan tys qalǵan joq», - dep tolyqtyrdy Qoǵamdyq saıasat ınstıtýtynyń mamandary.

"Qamshy" silteıdi
Ilmek sózder: partııa Nur Otan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir