Jasulandyqtar forým ótkizdi

2019 jyldyń 14-15 qarashasynda Mektep olımpıadalaryn jáne mektepten tys is –sharalardy ótkizetin oblystyq ortalyǵy, «Jambyl oblysy «Jas Ulan» balalar men jasóspirimder uıymy» qoǵamdyq birlestiginiń uıymdastyrýymen «Bolashaqqa baǵdar: rýhanı jańǵyrý» baǵdarlamalyq maqalasy jáne Jastar jyly aıasynda Taraz qalasy : Mektep olımpıadalaryn jáne mektepten tys is-sharalardy ótkizetin oblystyq ortalyǵynda oblystyq «Kemeldi keleshekke – kemeńger Elbasymen!» atty «Jas Ulan» biryńǵaı balalar men jasóspirimder uıymynyń kóshbasshylary arasyndaǵy forýmy uıymdastyryldy.

Forýmǵa oblysymyzdyń «Jas Ulan» uıymynyń oqýshylaryna jańa baǵyt berip, ulttyq jáne jalpy adamzattyq qundylyqtarǵa sáıkes rýhanı dúnıesi keń tulǵany qalyptastyryp, balalar men jasóspirimderdi Qazaqstandyq patrıotızm rýhynda tárbıelep júrgen Qordaı, Jambyl, Shý, Talas, Baızaq, Merki, T.Rysqulov, Jýaly, Moıynqum jáne Sarysý aýdandarynyń tálimgerleri, úılestirýshileri jáne qaladan Mektepten tys jumys jáne balalar shyǵarmashylyq ortalyǵy, Úsh tilde oqytatyn mamandandyrylǵan daryndy balalarǵa arnalǵan mektep-ınternaty, Aısha bıbi atyndaǵy daryndy qyz balalarǵa arnalǵan mamandandyrylǵan «Bilim-ınnovasııa» mektep-ınternaty, Daryndy er balalarǵa arnalǵan mamandandyrylǵan «Bilim-ınnovasııa» mektep-ınternaty, «Daryn» mektep-ınternaty, «N.Tilendıev» atyndaǵy mektep-ınternatnyń tálimgerleri men úılestirýshileri, aýdan (qala) ulanbasylary jáne belsendi jasulandyqtary qatysty.

Oblystyq «Kemeldi keleshekke – kemeńger Elbasymen!» atty «Jas Ulan» balalar men jasóspirimder uıymynyń kóshbasshylary arasyndaǵy forýmynyń alǵashqy kúninde «Jastar jarqyn bolashaqtyń ıesi» atty dóńgelek ústel uıymdastyryldy.

Sharaǵa Jambyl oblysyndaǵy "Sháýshen" qojalyǵynyń basshysy, Qazaqstannyń Eńbek Eri S. Dónenbaev, «Kazfosfat» jaýapkershiligi shekteýli seriktestiginiń bas dırektory, Qazaqstannyń Eńbek Eri, Jambyl oblysynyń qurmetti azamaty M. Eskendirov jáne «Nur Otan» partııasy oblystyq fılıaly tóraǵasynyń orynbasary – Sh. Tileýmurat arnaıy shaqyryldy.

Oblystyq forýmnyń saltanatty kezeńi 15 qarashada Mektep olımpıadalaryn jáne mektepten tys is-sharalardy ótkizetin oblystyq ortalyǵynda jalǵasyn tapty. Oblysymyzdyń belsendi jasulandyqtardyń kóńildi fleshmoby usynyldy. Forýmda uıym qataryna saltanatty túrde belsendi oqýshylar qabyldanyp, oblystyń úzdik jasulandyqtary men tálimgerleri arnaıy dıplomdarmen marapattaldy.

Forýmda Jambyl polıtehnıkalyq joǵary kolledjiniń bilimgerleriniń, Qordaı, Merki aýdanynyń ónerli oqýshylarynyń jáne Mektep olımpıadalaryn jáne mektepten tys is –sharalardy ótkizetin oblystyq ortalyǵynyń «Boztorǵaı» úlgili án-bı ansambiliniń konserttik baǵdarlamasymen jalǵasyn tapty.