• USD 468.56

  • EUR 497.56

  • RUB 7.3

  • CNY 67.18

29 Naýryz, 17:20:25
Almaty
+35°

О́tken senbi-jeksenbi kúnderi Taraz qalasynyń ortalyq alańynda Jambyl oblysynyń 80 jyldyǵy jáne Aýyl sharýashylyǵy eńbekkerleriniń kúnine oraı aýyl sharýashylyǵy ónimderiniń jármeńkesi ótti. Jármeńkede oblysymyzdyń 10 aýdany men Taraz qalasynyń taýar óndirýshileri jáne turaqtandyrý qory jalpy quny 89, 9 mıllıon teńgeni quraıtyn 314 tonna ónim túrlerin naryq baǵasynan 10-20 paıyzǵa tómen baǵada usyndy.

Aýylsharýashylyǵy taýarlaryn óndirýshiler ózderiniń ósirip, óndirgen tabıǵı taza, qunarly da sapaly ónimderin el kóńilinen shyǵatyndaı etip usyndy. Sol kúni ortalyq alańǵa halyq ádettegiden kóp jınaldy. Aýa raıy da jaımashýaqtyǵymen erekshelenip, saýda kórigi qyzdy. О́nimderdiń negizin 20 tonna et (jylqy, sıyr, qoı, shoshqa jáne taýyq eti), 8 tonna sút ónimderi, 6 tonna shujyq ónimderi, 8 myń dana jumyrtqa, 4 tonna balyq, 2 tonna bal, 1,5 tonna kondıterlik ónimder men 4 tonna makaron ónimderi, 0,8 tonna tuz jáne 266,7 tonna jemis-jıdek pen kókónis jáne taǵy basqalary qurady.

Eki kúnge josparlanǵan jármeńkeniń alǵashqy kúni Baızaq, Jýaly, Talas, Moıynqum, Shý aýdandary men Taraz qalasynyń aýyl sharýashylyǵy taýar óndirýshileriniń jáne turaqtandyrý qorynyń jáne ekinshi kúni Jambyl, Merki, Qordaı, T.Rysqulov, Sarysý aýdandary men Taraz qalasynyń taýar óndirýshileriniń jáne turaqtandyrý qorynyń ónimderi usynyldy.

Aıta ketý kerek, jalpy respýblıka boıynsha, onyń ishinde Jambyl óńirinde de aýyl sharýashylyǵy salasy qarqyndy damýda. Aımaqta aǵymdaǵy jyly 10 aıda 275,6 mıllıard teńgeniń aýyl sharýashylyǵy ónimi óndirilip, ótken jylmen salystyrǵanda ósim 104,4 paıyzdy qurady. Bul respýblıka boıynsha eń joǵary kórsetkish.

Memlekettik baǵdarlamalardyń sátti júzege asýy nátıjesinde oblystyń óndiristik kórsetkishterinde turaqty ósim qalyptasty, aýyl halqynyń turmys deńgeıi kóterilip keledi.

Atalǵan jumysta sala qyzmetkerleri – aýyl sharýashylyǵy eńbekkerleriniń eńbekteri orasan zor.

Jambyl óńiri aýyl sharýashylyǵyn júrgizýge óte qolaıly aımaq ekeni belgili. Áýlıeatalyq sharýalardyń aǵymdaǵy jyly mol ónim alǵanyn da maqtanyshpen aıta alamyz.

Bıylǵy jyly 333,5 myń gektar dándi jáne dándi burshaqty daqyldar egin oraǵyna túsip, ár gektardan alynǵan ortasha ónim 25,0 sentnerdi qurady jáne 763,2 myń tonna astyq bastyrylyp, 92,2 myń tonna ónim artyq alyndy.

Sondaı-aq, oblys sharýalary 270,5 myń tonna kartop, 1 034,6 myń tonna kókónis jınady. 48,5 myń tonnadan astam maıly daqyl ónimderi el yryzdyǵyna aınaldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir