• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:48:48
Qazaqstan Ýkraınanyń saýda naryǵyna alańdaýly

19 Qarasha, 2019 Aımaqtar

Halyq qalaýlysynyń isi – kópke úlgi

Jaqynda Jambyl oblysy Jýaly aýdanynyń Jetitóbe aýyldyq okrýgine qarasty Káriqorǵan aýylynyń fýtbol alańynda aýdandyq máslıhattyń depýtaty, aýdan ortalyǵyndaǵy D.Qonaev atyndaǵy mektep-gımnazııanyń dırektory Gúlnar Musahanovanyń demeýshiligimen kishi fýtboldan jarys ótti. Jarys okrýg ákimdiginiń muryndyq bolýymen Elbasynyń «Bolashaqqa baǵdar: rýhanı jańǵyrý» baǵdarlamasy aıasynda uıymdastyryldy.

Dodaǵa mektep oqýshylary men qyzmetkerlerinen quralǵan T.Ákimov atyndaǵy orta mekteptiń komandasy, aýdandyq №12 balalar men jasóspirimder sport mektebiniń bapkerlerinen quralǵan komanda, aýdanymyzdyń namysyn oblystyq jarystarda qorǵap júrgen «Jýaly ardager» jáne «Jýaly Gaz» mekemeleriniń komandalary qatysty. Ár komandanyń jasaıtyn qyzmetteri de, sonymen qatar jastary da ártúrli.

Jarys aldynda okrýgtegi aqsaqaldar alqasynyń tóraǵasy Rahymjan Sataev Gúlnar Mahambetqyzynyń ómirbaıanymen tanystyra kele, onyń kezinde okrýgimizdiń eki mektep ujymyn abyroımen basqarǵanyn jáne de depýtat retinde keleshekte de nátıjeli jumystardy birlese atqara beretindigine senim bildirdi.

Gúlnar Musahanova el senimin úlken jaýapkershilikpen aqtaý – óziniń ómirlik ustanymy ekenin, saılaýshylarymen tyǵyz qarym-qatynasta bola beretindigin aıta kele, jarysqa jınalǵan aýyl turǵyndaryna ystyq yqylasyn bildirip, sheksiz alǵysyn jetkizdi.

Jarys óte tartysty ótti. I oryndy«Jýaly Gaz» mekemesiniń komandasy, II oryndy T.Ákimov atyndaǵy orta mekteptiń komandasy, III oryndy «Jýaly ardager» komandasy men №12 BJSM bapkerleriniń komandasy ıelendi. Bir aıta keterligi, tórt komanda da aqshalaı syılyqpen marapattalsa, komandalardyń barlyq múshelerine «toıdan tobyqtaı» demekshi, túgeldeı derlik syılyqtar tabystaldy.

Jarys sońynda aýyl aqsaqaldary men komanda múshelerine tamaq berilip, aıaqdop sheberleri osyndaı jarystardy uıymdastyrý bolashaqta da dástúrge aınala bersin degen tilekpen tarqasty.

«El úmitin er aqtar»

Er ataǵyn el saqtar» – dep, halyq aıtsa qalyp aıtpaıtynyndaı, G. Musahanova depýtattyq qyzmetinde el ishindegi máselelerdi sheshýmen ǵana emes, osyndaı túrli sharalardy ótkizýge de arnap keledi.

– Máslıhattardaǵy depýtattardyń jumysy asqan jaýapkershilikti talap etedi, árbir okrýgten saılanǵan halyq qalaýlysy óz aýmaǵynda turatyn turǵyndardyń múddelerin tıisti deńgeıde qorǵaı bilýi qajet. Jýalylyq depýtattar bul údeden shyǵa alyp júr deýge tolyq negiz bar. Ár halyq qalaýlysy ýaqytyly azamattardy qabyldap, óz saılaýshylarynyń ótinishterine qulaq asyp turady. Depýtattardyń basym kópshiligi mekemeler men kásiporyndardyń basshylary bolǵandyqtan, olar kún saıynǵy tirliginde de turǵyndarmen tyǵyz baılanysta jumys jasaıdy, – deıdi ol.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir