• USD 389.52
  • EUR 429.21
  • RUB 6.07
  • CNY 54.94
30 Qańtar, 04:13:03
Qazaqstan Ýkraınanyń saýda naryǵyna alańdaýly

19 Qarasha, 2019 Aımaqtar

Turǵyndardyń ótinishin tyńdady

Jambyl oblystyq polısııa departamenti bastyǵynyń birinshi orynbasary Baýyrjan Údergenov Turar Rysqulov aýdanynda bolyp, «Nur Otan» partııasy aýdandyq fılıalynda qoǵamdyq qabyldaý ótkizdi. Turǵyndardyń tilegine Baýyrjan Arynulymen birge aýdandyq polısııa bóliminiń basshysy Qaırat Qaparov pen partııa aýdandyq fılıaly tóraǵasynyń birinshi orynbasary Qanatbek Arystanbekov te qulaq túrdi.

Kamenka aýylynyń turǵyny Gaýhar Musabekova 2016-2017 jyldary tanysyna bankten eki júz myń teńgeden eki márte nesıe alyp bergen eken. Tanysy tólemeı ketken. Sot arqyly óndirmek bolǵanyna qaramastan tanysy sottyń sheshimin oryndamaı qashyp júrse kerek. Endi sony óndirip berýdi surap, Údergenovke úmit artty. Abaı aýylynyń turǵyny Birjan Seıtovtyń jaǵdaıy da Gaýhardyń oqıǵasyna uqsas. Onyń aıtýynsha oǵan belgisiz bir adam Nur-Sultan qalasynan habarlasyp turǵanyn aıtyp, «Áleýmettik kómek alýǵa ótinish bergen ekensiz, alaıda bankte qaryzyńyz bar kórinedi. Sony tezdetip japsańyz biz sizge jeti júz jıyrma myń teńge aýdaramyz» dep sendirgen. Qaryzdanyp júrip nesıesin japqanmen áleýmettik kómek áli túspepti. Osynyń aq-qarasyn anyqtap berýin ótinip kelipti.

Qoǵamdyq qabyldaýǵa kelgenderdiń ózgesi qoǵamdyq tártipti retke keltirý máselesin kóterip, usynys-tilekterin jetkizdi. Máselen, Qulan aýylynyń turǵyny Marat Chýlekeev Panfılov kóshesine beınebaqylaý ornatý, ondaǵy kópqabatty úılerdiń aınalasynda bolatyn tártipsizdikter jóninde sóz qozǵasa, Saparaly Qońyratbaev qoǵamdaǵy quqyq buzýshylyqty azaıtý úshin ýchaskelik polısııa ınspektorlarynyń sanyn arttyrý kerek dep esepteıdi. Sol sekildi Abaı aýyldyq ardagerler keńesiniń tóraǵasy Rysqulbek Sekerbekov ýchaskelik polısııa ınspektorlaryn qyzmettik kólikpen qamtamasyz etý kerektigin sóz etti.

Qabyldaýǵa jazylǵan ár turǵynnyń tilegin muqııat tyńdaǵan Baýyrjan Údergenov kóterilgen máselelerdiń sheshilý joldaryn kórsetip, aýdandyq polısııa bóliminiń bastyǵy Qaırat Qaparov pen onyń birinshi orynbasary Qaısar Súleımenge naqty tapsyrmalar berdi.

Qoǵamdyq qabyldaýda ýchaskelik polısııa ınspektorlary úshin jaǵymdy jańalyqt ta aıtyldy. Baýyrjan Arynulynyń aıtýynsha keler jyldyń kókteminde aýdandaǵy barlyq ýchaskelik polısııa ınspektorlary sý jańa qyzmettik kóliktermen qamtamasyz etiledi eken.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir