19 Qarasha, 2019 Aımaqtar

Týǵan jerdiń tarıhymen tanysty

T.Rysqulov aýdany ákimdiginiń jáne aýdandyq jastar ortalyǵynyń bastamasymen qolǵa alynǵan «Týǵan jerdiń tarıhy – tunǵan shejire» atty tarıhı-tanymdyq ekspedısııasy Qaraqystaq shatqalynda uıymdastyryldy. Ekspedısııa barysynda tumsa tabıǵattyń tamasha kórinisterimen jaqyn tanysýǵa múmkindik týdy. Elbasynyń «Bolashaqqa baǵdar:rýhanı jańǵyrý» atty baǵdarlamasyn iske asyrý maqsatynda uıymdastyrylǵan is-shara óte joǵary deńgeıde ótti.

Aýdan ákimi Erbolat Sadyrqulov, aýdan ákimdiginiń apparat basshysy Álibek Terlikbaev, ishki saıasat bóliminiń basshysy Lázzat О́teýlıeva, aýdandyq tarıhı ólketaný murajaıynyń dırektory Eldar Ýtembaev jáne aýdannyń birqatar belsendi jastary qatysqan sharanyń qurmetti qonaǵy tarıhshy, ólketanýshy, «Paryz» qoǵamdyq birlestiginiń tóraǵasy Bekquly Áliuly boldy.

Sharany uıymdastyrýdaǵy basty maqsat — jastardy aýdannyń tarıhı-arheologııalyq oryndarymen tanystyrý. Sonymen qatar, olardyń týǵan jerge degen patrıottyq sana-sezimin nyǵaıtý, tarıhı-tanymdyq is-sharalarǵa qatystyrý arqyly qoǵamdyq-saıası ómirge tartý jáne mádenı, rýhanı qundylyqtarymyzdy zerdeleý, nasıhattaý, óskeleń urpaqty el, jer tarıhyn qurmetteýge úıretý bolyp tabylady. Munyń bárin jastarǵa shara barysynda sóz alǵan aýdan basshysy Erbolat Sadyrqulov málimdep berip, jastar kótergen naqty bastamalardy qoldaıtynyn jetkizdi.

Jıynǵa qatysýshy jastar eń aldymenen Qaraqystaq shatqalyndaǵy qorǵan tóbelerdiń tarıhymen tanysty. Tús aýa jastar arasynda sporttyq-tanymdyq oıyndar, saıystar uıymdastyryldy. Jarysqa qatysýshy toptar Qaraqystaq taýynyń eń bıik jerindegi belgi tasqa jaıaý órmelep shyǵý, júgirip jarysý, Turar Rysqulovtyń týǵanyna 125 jyl tolýyna oraı eń úzdik óleń oqý jáne «Týǵan jerim, qandaı kórkem» toptyq shyǵarmashylyq jumys boıynsha synǵa tústi. Jarys sońyna qaraı úzdikter anyqtalyp, jeńiske jetken jastar marapattaldy.

Aýdan ákimi men jastar resýrstyq ortalyǵynyń arasyndaǵy kelisim boıynsha jalpy bes baǵyt aıasynda aýqymdy jumystar qolǵa alynǵan. Solardyń biri – týrızmdi onyń ishinde ekotýrızmdi damytý. Sol úshin de «Týǵan jerdiń tarıhy – tunǵan shejire» atty tarıhı-tanymdyq ekspedısııasy uıymdastyrylýda. Atalmysh ekpedısııa jyl boıy ótetin bolady. Dálirek aıtar bolsaq, qarashanyń 16-synan bastaý alǵan aýqymdy shara keler jyldyń jeltoqsan aıynda aıaqtalmaq. Osy aralyqta jastar belgilengen josparǵa sáıkes, aýdannyń tarıhı jerlerin aralap, jaqyn tanysady.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir