• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 10:05:11
Qazaqstan Ýkraınanyń saýda naryǵyna alańdaýly

19 Qarasha, 2019 NEWS

Almatyda 30 myńnan astam oqýshy orny jetispeıdi

Almaty qalasy ákimdiginiń baspasóz ortalyǵynda ótken jıynda qalalyq bilim basqarmasynyń basshysy Gúlnar Hodjabergenova bilim salasyndaǵy mańyzdy máselelerdiń sheshilý barysy týraly aıtty.

Qazaqstan Respýblıkasynyń 2018 jylǵy 25 qańtardaǵy №64 qaýlysyna sáıkes barlyq mektepterde osy máselelerge bilim berý júıesiniń (Jappaı oqytý qory) jalpy bıýdjetiniń kem degende 1% qarjysy qarastyrylǵan. Qarjy memleketten ataýly áleýmettik kómek alý quqyǵyna ıe ári kún kórisi tómen, sonymen qatar tótenshe jaǵdaı saldarynan jedel kómekke zárý otbasylardyń oqýshylaryna ári ata-ana qaraýynsyz qalǵan jetimderge beriledi.

«Aıta keterligi, memlekettik standart qyzmetine sáıkes Almatyda áleýmettik jaǵynan az qamtylǵan otbasylar oqýshylarynyń barlyǵy Jappaı oqytý qory qarjysy esebinen 100% tegin tamaqpen qamtylǵan», - dedi qalalyq bilim basqarmasynyń basshysy Gúlnar Hodjabergenova.

Jappaı oqytý qory qarjysynan 2019 jyly qala boıynsha osy sanattaǵy 20,7 myń balaǵa 1,235 mlrd. teńge (mektepti ustaýǵa ketetin shyǵynnyń jalpy somasynyń 2,3%-yn quraıdy) qarastyrylǵan. 2019 jyldyń 9 aıy ishinde jalpy somasy 536 mln. 725 myń teńgege 20 735 oqýshy tegin tamaqtandy.

Bilim basqarmasynyń basshysy aǵymdaǵy jyly mektepter men kolledjderdiń materıaldyq-tehnıkalyq bazalaryn nyǵaıtý úshin tigin mashınalar jıyntyǵynyń, ınternattar úshin mýltımedııalyq jabdyqtar men bilim mekemeleri úshin jıhazdardyń satyp alynǵanyn aıtty. Bilim mekemelerindegi eskirgen proektorlar 450 danaǵa jańady.

2019 jyly oqýshy ornynyń tapshylyǵyn azaıtý úshin Alataý aýdanynda 600 oryndy №201 mektep, Bostandyq aýdanynda №105 mektep janynan 300 oryndy qosalqy nysan paıdalanýǵa berildi.

Túrksib aýdanyndaǵy «Kolhozshy» eldi mekeninde 600 oryndy mekteptiń, Áýezov aýdanynyń «Mamyr» yqshamaýdanynda 1200 oryndy mekteptiń, sonymen qatar jeke ınvestısııa esebinen (E. Tátishev qory) 600 oryndy mektepter, № 61, 123, 164, 172 janynan 1717 oryndy qosalqy nysandar jáne áleýmettik jaýapkershilik aıasynda ashylýy 2020 jyldyń qyrkúıegine josparlanǵan №140 mektep janynan 300 oryndy qosalqy nysan salynýda.

2020 jyly MJÁ boıynsha 12900 oryndy 8 mekteptiń, 1640 oryndy 3 jeke mekteptiń, mektepter janynan árqaısysy 600 oryndy 2 qosalqy nysannyń qurylysyn bastaý josparlanǵan.

Qazirgi kezde 30 183 oqýshy orny jetispeıdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir