• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:51:22
Qazaqstan Ýkraınanyń saýda naryǵyna alańdaýly

19 Qarasha, 2019 Aımaqtar

Memlekettik qyzmetkerlermen kezdesti

T. Rysqulov aýdanynyń memlekettik qyzmetshileri Jambyl oblysy ákiminiń ádep jónindegi ýákili Mádı Máten jáne Qazaqstan Respýblıkasy Memlekettik qyzmet isteri jónindegi jáne sybaılas jemqorlyqqa qarsy is-qımyl Agenttiginiń Jambyl oblysy boıynsha departamentiniń basqarma basshysy, ádep jónindegi ýákili Azamat Anýarbekovpen kezdesti.  Shara barysynda aýdandyq memlekettik qyzmetkerlermen kezdesip, olarǵa qatysty aqparattarmen bólisti.

Jıyn barysynda minberge birinshi bolyp kóterilgen aýdan ákiminiń orynbasary, ádep jónindegi ýákil Rýslan Orazhan aýdanda atqarylyp jatqan jumystar týraly baıandap, qysqasha habarlama jasady. Odan soń QR Memlekettik qyzmet isteri jónindegi jáne sybaılas jemqorlyqqa qarsy is-qımyl Agenttiginiń Jambyl oblysy boıynsha departamentiniń basqarma basshysy Azamat Anýarbekov memlekettik qyzmetkerlerge qatysty kodekstiń maqsat-mindetterin, olarǵa qoıylatyn talaptardy, minez-qulyqtyń jalpy standarttaryn, qarym-qatynas normalaryn, iskerlik kıimniń úlgisin, qyzmetten tys ózin-ózi ustaý tártipterin keńinen áńgimelep berdi.Atalmysh normalar jaıynda oblys ákiminiń ádep jónindegi ýákili Mádı Máten de oı bólisip, memlekettik qyzmetshilerdiń ádep kodeksi talaptaryn qatań túrde saqtaý kerektigin aıtty. «Memlekettik qyzmetkerge qoıylǵan talaptar óte qıyn. Olardy oryndaý jáne qatań túrde saqtaý bizdiń tikeleı mindetimiz. Jasyratyn nesi bar, sol bir keı talaptar ókinishke oraı óz deńgeıinde oryndalmaı jatady. Olardyń kóbisi qyzmetten tys ýaqytta oryn alýda» dep birneshe qoıylatyn talaptarǵa toqtalyp ótti. Atap aıtar bolsaq, jumys barysynan tys ýaqytta memlekettik kólikti paıdalaný nemese ony mas kúıinde basqarý, áleýmettik jelini jıi qoldanýshylarǵa sypaıy, naqty dáleldermen jaýap qaıtarý, toı-tomalaqta ózin-ózin durys ustaý, áleýmettik jelini sapaly ári durys qoldaný kerektigin aıtty. Mádı Meıirbekuly tipti telefonmen sóılesý barysynda da baıypty jaýap qaıtara bilýdiń ózi asa mańyzdy ekenin túsindirip, jıyndy qorytyndylady. Kezdesý sońynda memlekettik qyzmetshilerden saýalnama alyndy.

Is-sapar barysynda ádep jónindegi ýákilder aýdan ákimdiginiń úlken májilis zalynda jeke qabyldaý ótkizdi. Qabyldaý kezinde memlekettik qyzmetkerler tarapynan qoıylǵan saýaldarǵa naqty jaýap qaıtarylyp, ár túrli keńester berildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir