• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:39:08
Qazaqstan Ýkraınanyń saýda naryǵyna alańdaýly

19 Qarasha, 2019 Aımaqtar

Qaza tapqan jaýyngerlerdi eske alýǵa arnalǵan týrnır ótti

Jýaly aýdanyndaǵy 91678 áskerı bóliminde elimizdiń tynyshtyǵyn qorǵaý jolynda 2017 jylǵy 17 aqpanda jaýyngerlik oqý tapsyrmalaryn oryndaý kezinde arnaıy maqsattaǵy taýly egerlik rotasynyń jaýyngerleri qar kóshkini astynda qalyp, qaza tapqan bolatyn. Otan aldyndaǵy boryshyn óteý kezinde kóz jumǵan jaýyngerlerdi eske alý maqsatynda atalǵan áskerı bólimde kishi fýtboldan týrnır ótti.

Aýqymdy sharaǵa Halyq Qaharmany, general-leıtenant Baqytjan Ertaev, Qazaqstan Respýblıkasy Qorǵanys mınıstrliginiń kadr departamentiniń bastyǵy general-maıor Qaırat Kópbaev, «Ońtústik» óńirlik áskerleri qolbasshysynyń birinshi orynbasary, shtab bastyǵy polkovnık Abaı Joldasov, aýdan ákimi Narbaı Ergebekov, aýdan ákimdiginiń dene shynyqtyrý jáne sport bóliminiń basshysy Maqsutbek Arzymbetov, áskerı qyzmetshiler men qaza bolǵan jaýyngerlerdiń ata-analary, jubaılary men ul-qyzdary qatysty.

Shara áskerı bólimdegi qaza tapqan jaýyngerlerge qoıylǵan eskertkishke gúlshoqtaryn qoıý rásimimen bastaldy. Baqytjan Ertaıuly, Narbaı Ábilqasymuly, ári qaraı jaýyngerlerdiń ata-analary men otbasy músheleri gúlshoqtaryn qoıyp, bir mınýt únsizdikpen eske aldy.

Osy arada Baqytjan Ertaıuly qaza tapqan jaýyngerlerdiń rýhyna baǵyshtap, quran oqydy.

Ala dop alamanynda birinshi bolyp QR Qorǵanys mınıstriniń kadr departamentiniń komandasy men «Ońtústik» óńirlik áskerleri qolbasshylyǵy basqarmasynyń komandasy, ekinshi 03811 áskerı bóliminiń komandasy men QR IIM Jýaly aýdandyq polısııa bóliminiń komandasy, úshinshi 91678 áskerı bóliminiń komandasy men arnaıy maqsattaǵy taýly egerlik rotasynyń komandasy oınady.

Tartysty týrnır óz máresine jetip, marapattaý rásimi bastaldy. Aldymen, arnaıy nomınasııa jeńimpazdary marapattaldy. Atap aıtqanda, «Úzdik shabýyldaýshy» atalymyn QR Qorǵanys mınıstriniń kadr departamentiniń komandasynyń oıynshysy Bolat Ospanbekov, «Úzdik qaqpashy» atalymyn Ánýar Júnisov, «Úzdik oıynshy» nomınasııasyn taýly egerlik rotasynyń komandasynyń oıynshysy Baýyrjan Sultanbekov ıelendi.

Al oıynnyń júldeli oryndaryn, ıaǵnı birinshi oryndy taýly egerlik rotasynyń komandasy, II oryndy QR QM kadr departamentiniń komandasy, III oryndy 03811 áskerı bóliminiń komandasy jeńip aldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir