• USD 468.56

  • EUR 497.56

  • RUB 7.3

  • CNY 67.18

28 Naýryz, 13:23:14
Almaty
+35°

«Kásip bolmaı, násip bolmas». Ejelden solaı. Búgingi tańda da bul qaǵıdaly sóz óz mańyzyn joıǵan joq. Qaıta jańa zamannyń kóshinen qalmaýdy kózdegen, jaqsy ómir súrýge talpynǵan el azamattary memlekettiń kómek-qoldaýlary arqyly kásip ashyp, násibin ulǵaıtyp otyrǵan jaıy bar. Osy turǵyda Jýaly aýdanynda Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aıasynda óz isin ashyp jatqandar qatary artyp keledi. Kásipkerlik isin jańadan ashýǵa nıet bildirgen úmitkerlerdi «Atameken» óńirlik kásipkerler palatasynyń aýdandyq fılıaly arqyly arnaıy kýrstan ótip, sertıfıkat alýda.

Aýdandyq jumyspen qamtý ortalyǵy mamandarynyń kómegine júginip, tıisti oqytý kýrsynan ótip, memleket tarapynan bólingen qaıtarymsyz grantty utyp alǵan azamattyń biri – Rýslan Jarqynbaev.

«Mal ósirseń, qoı ósir, О́nimi onyń kól-kósir» degen ata-babalardyń maqalyn ustanyp, qoıdyń basyn kóbeıtýdi kózdep, mal sharýashylyǵyn damytýdy myqtap qolǵa alǵan jas kásipker aýdan ortalyǵynda turady. Rýslan da óz kezeginde kásipkerler palatasynda «Bastaý-Bıznes» jobasymen oqyp, shilde aıynda 3 mıllıon 500 myń teńge kólemindegi jeńildetilgen nesıege qol jetkizedi. Atakásipti keńeıtý maqsatyndaǵy nesıe alty paıyzben uzaq merzimge berilgen. Jas kásipker qomaqty qarjyǵa jergilikti jerden 94 bas analyq bas qoı satyp alǵan eken.

– Mal baǵý – bizdiń otbasyǵa tańsyq kásip emes. Olaı deıtinim, kishkentaıymyzdan tórt túlik asyrap, baǵyp kelemiz. Onyń ústine ákem Jumaǵalıdyń mamandyǵy – mal dárigeri. Ákem maǵan únemi qoldaý kórsetip, maldyń jaıyn aıtyp, aqyl-keńesterin berip otyrady. Mal baǵý – bizdiń qazaq halqynyń burynnan kele jatqan atakásibi. Men de osynaý kásipti damytsam deımin. Oǵan memleket tarapynan da tıisti qarjylaı qoldaýlar jasalyp otyr. Bul bir jaǵynan otbasylyq kásiptiń túri. Basqa jaqtan jumys izdep sandalmaımyz. Bári óz aýlamyzda. Osy rette kásip ashýǵa baǵyt-baǵdar bergen aýdandyq jumyspen qamtý ortalyǵynyń mamandaryna, memlekettiń saıasatyna alǵysymdy jetkizemin,- deıdi. Rýslan Jumaǵalıuly.

«Jas kelse, iske» demekshi, jas kásipker Rýslan 505 myń teńge qaıtarymsyz grantty da utyp alǵan. Ol qarjyǵa 160 taýyq alyp, asyraýda. Tıisinshe, odan da mol ónim alýǵa bolady. Nıet etken adamǵa jumystyń da, kásiptiń de tabylatynyn jas kásipkerdiń qolǵa alǵan otbasylyq kásibin kórgen soń kóz jetkizgendeı boldyq.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir