• USD 389.52
  • EUR 429.21
  • RUB 6.07
  • CNY 54.94
30 Qańtar, 04:10:26
Qazaqstan Ýkraınanyń saýda naryǵyna alańdaýly

19 Qarasha, 2019 Aımaqtar

Baǵdarlama jastardyń baspanaly bolýyna septigin tıgizýde

Oqýyn támamdap qolyna dıplomyn alǵan ár jas maman jumys jolyn qaladan bastaǵysy keledi. Alaıda, qalaly jerden bárine birdeı jumys tabyla bermesi anyq. Osyǵan baılanysty búginde Ulttyq ekonomıka mınıstrliginiń qoldaýymen «Dıplommen aýylǵa» memlekettik baǵdarlamasy qolǵa alynyp, onyń tıimdiligin ýaqyttyń ózi dáleldep bergendeı. Baǵdarlamanyń basty maqsaty dıplomy bar jastardy aýyldy jerlerge jumysqa ornalastyryp, ondaǵy maman tapshylyǵy máselesin sheshý ekenin aıta ketken jón.

Atalmysh baǵdarlama aıasynda Qordaı aýdanyna bıyl turǵyn úı satyp alýǵa 37 mamanǵa 140 138 myń teńge qarajat bólingen. Sonymen qatar, aýdandyq bıýdjetten kóterme járdem aqy áleýmettik qoldaý sharalaryna 110 mamanǵa 29519 myń teńge qarjy qarastyrylǵan. Nátıjesinde, kóterme járdemaqy alýǵa 207 adamnyń qujattary qaralyp, onyń 95-ne oń sheshim berilgen. Al, naýryz aıynan kúni búginge deıin 75 jas maman 15379 myń teńge kóterme járdem aqylaryn alǵan. Onyń ishinde, bilim berý salasynan 52, densaýlyq saqtaý salasy 14, AО́K 5, sport salasynan 2 maman járdemaqyǵa ıe bolǵan. Baspanaly bolýǵa 107 azamat qujat tapsyryp, 51 jas mamanǵa oń sheshim shyǵarylyp, 35 azamat turǵyn úımen qamtamasyz etilgen. Al, búgingi kúnge turǵyn úıge 28 jas maman óz kezegin kútýde.

Qaladan aýylǵa qonystanyp, baǵdarlamanyń baqytyn sezingen jandardyń biri Aıbek Úshkempir. Aıbek qazirgi tańda Kenen aýylyndaǵy №1 balalar jáne jasóspirimder shyǵarmashylyǵy ortalyǵynyń muǵalimi. Búginde baǵdarlama arqyly baspanaly bolǵan jas maman memleket tarapynan kórsetilgen qoldaýǵa dán rıza.

Bala kezinen sportqa jaqyn bolǵan Aıbek mektepti aıaqtaǵan soń sportshy bolamyn degen armanynan tanbaıdy. Ol Almaty ýnıversıtetine oqýǵa túsip, dene shynyqtyrý mamandyǵyn tańdaıdy. Stýdenttik shaqty ótkerip, qolǵa dıplom alǵan tusta jas mamanǵa jumys tabý ońaıǵa soqpaıdy. Qaladaǵy ómir unaǵanymen, jumyssyz janǵa kún kórý ońaı emes. Ákeden jastaıynan aıyrylǵan ony aýyldaǵy anasy men baýyrlaryna qamqor bolsam degen oı mazalaıdy. Birde oǵan anasy telefon soǵyp, osy baǵdarlama týraly aıtady. Mundaı múmkindikti qalt jibermeýdi oılaǵan Aıbek qala ómirin artqa tastap aýylǵa attanady.

Ol kezde Kenen aýylynda balalar jáne jasóspirimder shyǵarmashylyǵy ortalyǵynyń ashylǵanyna kóp bola qoıǵan joq eken. Aıbek óziniń mamandyǵy boıynsha dene shynyqtyrý pániniń muǵalimi bolyp jumysqa ornalasyp, «Dıplommen aýylǵa» baǵdarlamasymen tanysady.

Kerekti qujattaryn jıyp, aýdan ákimdigine ótkizedi. Osylaısha, baǵdarlamanyń arqasynda búginde aýyldan úı alyp, eńbek etip júr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir