• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:49:35
Qazaqstan Ýkraınanyń saýda naryǵyna alańdaýly

19 Qarasha, 2019 Aımaqtar

Asyl sózdiń aldaspany

Jýaly aýdanyndaǵy №9 Abaı atyndaǵy orta mekteptiń dırektory Janar О́tegenova, dırektordyń tárbıe isi jónindegi orynbasary Esimjan Tóleýishovtyń bas bolýymen, sonymen birge birligi bekem mektep ujymynyń atsalysýymen Abaı Qunanbaıulynyń 175 jyldyǵyna oraılastyrylyp «Asyl sózdiń aldaspany» taqyrybynda úlken is-shara joǵary deńgeıde uıymdastyryldy. Uly aqynnyń ónegeli ómirimen tanystyrý, aqynnyń danalyǵyn, rýhanı asyl muralaryn nasıhattap, óleńderi men mýzykalyq muralaryn qaıta jańǵyrtyp, nasıhattaý – sharanyń negizgi maqsaty bolyp tabylady.

Mereıtoılyq is-sharany mekteptiń dırektory Janar О́tegenova ashyp, Abaı muralary týraly aıtyp, sharanyń mańyzdylyǵyna az-kem toqtaldy. Kelesi kezekte sóz sóılegen Qoshqarata aýyldyq okrýginiń ákimi Jánibek Myrzalıev uly aqynnyń esimin ıelengen bilim oshaǵynyń shákirt tárbıeleýdegi eńbegine tabys tileı otyryp, mektepke Abaı Qunanbaıulynyń kilemge beınelengen portretin tartý etti. Aýdan ákimdigi bilim bóliminiń bas mamany Uzaqbaı Qurmanbaev, aýdandyq mádenıet jáne tilderdi damytý bóliminiń bas mamany Farıza Orazymbetova Abaı muralarynyń máńgilik ekenin, sonymen birge basqa da eńbekteriniń jas urpaqqa bereri mol ekenin basa aıtty. Aıta ketý kerek, aqynnyń toıyna aýdan mektepteri dırektorlarynyń orynbasarlary da arnaıy kelip, sharany tamashalady.

Uly oıshyldyń 175 jyldyǵyna arnalǵan shara mekteptiń akt zalynda «О́leń – sózdiń patshasy, sóz sarasy» atalatyn bólimmen jalǵasyn tapty. Kesh barysynda óleń men qara sózge jaqyn mekteptiń birqatar ozat oqýshylary Abaı óleńderin mánerlep, jatqa oqydy. Al aýdandyq, oblystyq jyr dodalary, sonymen birge «Jambyl – meniń jaı atym, halyq – meniń shyn atym!» atty respýblıkalyq aıtystyń, sonymen birge Ázimbek Janqulıev atyndaǵy oblystyq jas aqyndar aıtysynyń júldegeri Áýeshan Úrkimbaev uly aqynǵa arnaǵan óleńin oqyp berip, qara dombyramen án áýeletti. «Kóńilim ándi uǵarsyń…» bóliminde Abaıdyń «Kózimniń qarasy», «Jelsiz túnde jaryq aı» ánderi jandy daýysta oryndaldy.

Abaı Qunanbaıulynyń 175 jyldyǵyna oraılastyrylyp «Asyl sózdiń – aldaspany» taqyrybyndaǵy is-sharanyń uıymdastyrylýy men ótý barysyn basynan-aıaǵyna deıin tamashalaǵan aýdandyq bilim bóliminiń jaýapty mamandary joǵary baǵalap, mektep ujymynyń jumysyna sáttilik pen tabys tiledi. №9 Abaı atyndaǵy orta mekteptiń dırektory Janar О́tegenova Abaı Qunanbaıulynyń 175 jyldyq mereıtoıyna arnalǵan irili-usaqty sharalardyń aldaǵy ýaqytta da jalǵasyn tabatynyn, oqý kabınetinen uly aqynǵa arnalyp mýzeı jasaqtalyp jatqanyn qýanyshpen jetkizdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir