Jyl sońyna deıin barlyq medısınalyq uıymdarda ınternet qoljetimdi bolady

О́ńirdegi medısınalyq uıymdarǵa tolyqtaı medısınalyq aqparattyq júıeci engizilgen. Qazir oblysta 391 densaýlyq saqtaý nysany bolsa búginde onyń 383-inde ınternet jelisi qoljetimdi. О́z kezeginde sıfrlyq júıeniń múmkindigin jambyldyq densaýlyq saqtaý salasynyń mamandary mindetti áleýmettik medısınalyq saqtandyrý júıesine halyqty sáıkestendirý barysynda ońtaıly kádege jaratýda, dep jazady Qamshy.kz aqparat agenttigi. 

Jalpy oblystaǵy Taraz qalasy men aýdan ortalyqtarynda ornalasqan medısınalyq uıymdar ınternet jelisine tolyqtaı qosylǵan. О́ńirdegi densaýlyq saqtaý nysandaryn ınternetpen qamtý úlesi 98 paıyzdy qurap otyr. Bul kórsetkishti 100 paıyzǵa jetkizýde 8 nysanda jyl sońyna deıin ınternet qoljetimdi bolmaq.

О́z kezeginde jergilikti densaýlyq saqtaý salasynyń mamandary osynaý múmkindikti kelesi jyly engiziletin mindetti áleýmettik medısınalyq saqtandyrý júıesine turǵyndardyń sanatyn ońtaılandyrý barysynda paıdalanýda. Máselen «Halyqty tirkeý regıstrinde» tirkelgen adamdardyń 95,2 paıyzynyń elektrondyq densaýlyq pasporttary bar. Jalpy «Halyqty tirkeý regıstrine» 1 121 133 jambyldyq tirkelgen bolsa onyń 1 068 261-niń málimetteri elektrondy densaýlyq pasportyna engizilgen. Dál osy regıstr arqyly aǵymdaǵy jyldyń 9 aıynyń qorytyndysy boıynsha mindetti áleýmettik medısınalyq saqtandyrý júıesine halyqty sáıkestendirý barysynda 15 jeńildik sanatyndaǵy memleket tarapynan saqtandyrylatyn 700 387 adam bary anyqtaldy. Onyń 2 paıyzyn jeke kásipkerler qurasa, 22 paıyzy jaldamaly jumyskerlerge jatady. Qazirgi tańda oblysta mindetti áleýmettik medısınalyq saqtandyrýdy engizý jumystarynda halyqtyń sanatyn ózektendirýge aıryqsha mán berilip keledi. Ásirese elektrondyq baza arqyly ózin-ózi jumyspen qamtyǵandar sanatyna jatatyn tulǵalardy saqtandyrý isine kóńil bólinip keledi.

Jalpy densaýlyq saqtaý salasyn elektrondy júıege kóshirý ondaǵy kórsetiletin qyzmet sapasyn joǵarylatyndyǵy dáleldengen. Sondaı-aq naýqastardy elektrondy júıe arqyly qabyldaý da dárigerlerdiń jumys júktemesin jeńildetip, dertke shaldyqqandarmen nátıjeli jumys jasaýǵa múmkindik berip otyr. Eń bastysy densaýlyq saqtaý qyzmetin alýda ınternet arqyly kezekke turý ádisine de turǵyndar dán rıza.