Memlekettik baǵdarlamalar esebinen mal basynyń sany artqan

Merkilik sharýalar qozy jáne múıizdi iri qara maldyń etin eksporttaý isinde kósh bastap tur. Sáıkesinshe bul saladaǵy serpin ishki naryqqa jettiligine jumsamalatyn et óndirý kóleminiń de eselep artýyna múmkindik berýde, dep jazady Qamshy.kz aqparat agenttigi. 

Aǵymdaǵy jyly merkilik sharýalar múıizdi iri qaranyń sanyn 21 basqa qoı men eshki sanyn 10244 basqa, Qambar ata túligin 395 basqa ulǵaıta alǵan. Sonyń esebinen olardan alynatyn ónim kólemi de artqan. Máselen jyl basynan beri merkilik sharýalar 6384 tonna et, 26875,3 tonna sút jáne 1599,9 myń dana jumyrtqa óndirildi. О́tken jyldyń osy kezeńimen salystyrǵanda mal ónimderiniń barlyq túrlerinen ónim óndirý kórsetkishi edáýir artyp otyr.

Bul oraıda aýdandaǵy et, sút baǵytynda qurylǵan kooperatıvterdiń kómegi kóldeı. Búginde aýdandaǵy 13 aýyl sharýashylyǵy kooperatıviniń 10-y mal sharýashylyǵy baǵytynda jumys júrgizedi. Onyń ishinde 6 koopertıv sút baǵytynda jumys jasaıdy. Qazirgi tańda 231 múshesi bar kooperatıvte 1711 bas saýyn sıyr bar. Aǵymdaǵy jyldyń qańtar-qyrkúıek aılarynda kooperatıv múshelerimen 1668 tonna sút óndirilgen. Bul kooperatıvter negizinen Merki irimshik zaýytyn shıkizatpen qamtamasyz etedi. Mal sharýashylyǵy salasyndaǵy kooperatıvtiń taǵy bir shoǵyry et baǵytynda jumys jasaıdy. Qazir aýdandar bul baǵyt boıynsha qyzmet etetin 4 aýyl sharýashylyq kooperatıvi bar. 237 quryltaıshysy bar agroqurylym aǵymdaǵy jyldyń alǵashqy jarty jyldyǵynda 725,1 tonna ónim óndirgen. Sondaı-aq 1aýyl sharýashylyǵy kooperatıvi qoı sharýashylyǵyna serpin berý maqsatynda qurylǵan.

Aýdandaǵy mal sharýashylyǵynyń damýyna «Sybaǵa» memlekettik baǵdarlamasynyń qosar úlesi de qomaqty. О́ıtkeni aǵymdaǵy jyldyń 9 aıynda dál osybaǵdarlama sharapatyn sezingen merkilik sharýalar 294 múıizdi iri qara mal satyp alǵan. Bul baǵdarlama boıynsha túzilgen jyldyń jospardyń 85,3 paıyzyn quraıdy. Dál osy josparǵa saı bıyl aýdandaǵy «Sybaǵa» arqyly 4870 bas qoı satyp alynýy kerek bolǵan. О́z kezeginde bul jospar artyǵymen oryndalyp, merkilik sharýalar memlekettik baǵdarlama bergen múmkindik esebinen 5718 Shopan ata túligin otarǵa qosty.

Osylaısha salany qoldaýdaǵy túrli memlekettik baǵdarlamalar Merkidegi mal sharýashylyǵynyń damýyna keń óris ashyp otyr. Sáıkesinshe bul múmkindikti aýyl halqynyń áleýmettik jaǵdaıyn jaqsartýdyń laıyqty retinde qarastyrýǵa ábden bolady.