Egistik alqaby da, túsim de artyp keledi

Geografııalyq ornalasýy men tabıǵat jaǵdaıy egin sharýashylyǵyna qolaıly Merki aýdanynda sońǵy jyldary bul sala serpindi damyp keledi. Ásirese egistik alqaptaryn ulǵaıtý, egiletin daqyldardyń áralýandyǵy syndy kórsetkishter kóńil qýantady, dep jazady Qamshy.kz aqparat agenttigi. 

Búginde aýdandaǵy egistik jerdiń kólemi jalpy kólemi 100 176 gektar bolsa, onyń 20474 gektary sýarmaly alqapqa tıesili. Aǵymdaǵy jyly aımaqtaǵa 76 446 gektar alqapqa aýyl sharýashylyǵy daqyldaryn egý josparlanǵan. О́z kezeginde kóktemgi dala jumystaryn júıeli uıymdastyrý nátıjesinde egis alqaby 14 400 gektar ulǵaıtyldy. Osylaısha merkilik sharýalar aýyl sharýashylyq daqyldaryn egý boıynsha qoıylǵan mejeni 18,7 paıyzǵa asyra oryndady.

Munda negizinen jazdyq arpanyń egý jospary 3000 gektarǵa, jońyshqa alqabynyń kólemi 1600 gektarǵa, kókónis alqabynyń kólemi 600 gektarǵa ulǵaıǵan. Sondaı-aq, kartop, júgeri, maıly daqyldaryn egý jospary da 3-4 esege asyra oryndalǵan. Aǵymdaǵy jyly merkilik sharýalar 25684,7 gektar alqapqa kúzdik bıdaı ekse, 23 201 gektar aýmaqqa kóp jyldyq shóptiń tuqymyn sepken.

Osynaý mol alqaptardan alynǵan túsimde joǵary boldy. Jaqynda ǵana aıaqtalǵan kúzgi egis jumystarynyń nátıjesinde 52 052 gektar astyqty daqyl túrlerinen 131 173,2 tonna astyq bastyryldy. Shamamen ár gektarynan 25,2 sentnerden ónim jınaldy. Tarqatyp aıtar bolsaq 25 684 gektar kúzdik bıdaıdan 54 705,5 tonna ónim jınaldy. Kúzdik bıdaıdyń ár gektarǵa shaqqandaǵy túsimi 21,3 sentnerden aınaldy. Sol sekildi 26368 gektar jazdyq arpadan 76464,7 tonna ónim jınalyp, ortasha gektar qaıtarymy 29 sentnerdi qurady.

Jalpy mereıli Merki óńirinde sońǵy jyldary egin sharýashylyǵy erekshe ekpinmen damyp keledi. Bir ǵana qantqyzylshasyn egýde merkilik dıqandardyń tabys qazanyn qaınatyp otyrǵany kópke úlgi. Bıyl aýdan aýmaǵynda 2000 gektar qant qyzylshasy egilgen. Kúni búginge deıin 105 gektar tátti túbir alqabynan jınalǵan ónim kólemi 4650 tonnaǵa jetti. Bul degenińiz gektarǵa shaqqandaǵy ortasha ónimdilik 442,8 sentnerden aınalyp otyrǵandyǵyn kórsetedi.

Egin sharýashylyǵyndaǵy mol túsimniń taǵy bir sebebi retinde aımaqtaǵy egis alqaptaryna tamshylatyp sýǵarý tehnologııalarynyń engizilýin alǵa tartýǵa bolady. О́tken jyly mundaı jańashyldyq bıyl 2374 gektar alqapqa engizildi.