ShQO-daǵy Glýbokoe aýdanynda 13 aýyl abattandyryldy

Glýbokoe aýdanynda ShQO ákimi Danıal Ahmetovtiń bastamasymen «100 aýyldy abattandyrý» baǵdarlamasy iske asyrylýda. Bul týraly aımaqtyq kommýnıkasııalar qyzmetinde ótken brıfıng barysynda aýdan ákimi Qalıhan Baıǵonysov málim etti.

Atalmysh baǵdarlamanyń negizinde aýdan ortalyǵy men tórtinshi deńgeıli bıýdjetke kóshken 13 aýyldaǵy áleýmettik nysandarǵa aǵymdaǵy jóndeý jumystary júrgizildi. Osy maqsatta oblystyq bıýdjetten 230,0 mln. teńge jumsaldy. Bólingen qarajat esebinen Beloýsovka, Verh-Berezovka, Progress, Praporshıkova, Bobrovka, Ýshanova, Sekısovka, Tarhanka, Cheremshanka aýyldaryndaǵy sport keshenderine jóndeý jumystary júrgizildi. Budan bólek Altaı men Glýbokoe aýyldaryndaǵy saıabaqtar abattandyryldy. Sonymen qatar aýdan ortalyǵynda balalarǵa arnalǵan oıyn alańy salynyp, qoldanysqa berildi.

– "О́ńirlerdi damytý- 2020" memlekettik baǵdarlamasy boıynsha jergilikti ózin-ózi basqarýdy qarjylaı qoldaý aıasynda aýdandaǵy aýyldarda kóshe jaryǵyn tartý, avtomobıl joldaryna aǵymdaǵy jóndeý jumystaryn júrgizý, beınebaqylaý kameralary men baǵdarshamdar ornatyldy. Shaǵyn sáýlettik nysandar qoıyldy. Oǵan 70,5 mln. teńge jumsaldy, – dedi Qalıhan Baıǵonysov.