• USD 389.52
  • EUR 429.21
  • RUB 6.07
  • CNY 54.94
28 Qańtar, 14:49:29
Qazaqstan Ýkraınanyń saýda naryǵyna alańdaýly

19 Qarasha, 2019 Aımaqtar

Veterınarııalyq baqylaý óz deńgeıinde jolǵa qoıylǵan

Jambyl oblysynda azyq-túlik ónimderiniń qaýipsizdigi kúndelikti baqylaýǵa alynǵan. Jergilikti aýylsharýashylyǵy taýaryn óndirýshilerden saýda núktelerine túsetin et pen sút ónimderi arnaıy veternınarııalyq zerthanalar arqyly qadaǵalanady, dep jazady Qamshy.kz aqparat agenttigi. 

Azyq-túlik qaýipsizdigin qamtamasyz etý maqsatynda kóbine maldar arnaıy mal soıý oryndarynda soıylady.

–Bul jumystarmen oblystyń ár aımaǵyndaǵy 11 mal soıýbeketi jáne 52 mal soıý alańy, 3 et óńdeý kombınaty jáne 1 qus etin óńdeý kásiporny aınalysady. Esepti kezeńde bul oryndarda soıylǵan iri qara maldyń jalpy sany 18 699 basty qurasa, usaq maldyń sany 72 044 basqa jetken. Mal soıý alańdaryna soıylyp, saýda oryndaryna jóneltiletin et ónimderi de qatań baqylaýǵa alynǵan. Oblystaǵy saýda oryndaryna túsetin aýyl sharýashylyǵy taýarynóndirýshilerdiń et pen sút ónimderin 14 stasıonarlyq zerthana tekseredi. Onyń ishinde 5 jeke zerthana bar. Veterınarııalyq zerthanamen qamtý aýqymyn keńeıtý maqsatynda jeke menshiktegi zerthanalar jelisi jumysyn Shý,Merki, T.Rysqulov aýdandarynda da jolǵa qoıdyq. Mundaı zerthananyń biri Taraz qalasynda qyzmet kórsetýde. Sondaı-aq kúndelikti tekserý jumystaryn júrgizýde 4 jyljymaly veterınarııalyq-sanıtarııalyq laboratorııada ońtaıly kádege jaraýda,–deıdi oblys ákimdiginiń veterınarııa basqarmasynyń basshysy Ospan Berdııarov.

Jalpy óńirdegi sharýalardyń sońǵy jyldary óz ónimderin jergilikti naryqta saýdaǵa shyǵarýǵa qulshynysy erekshe. Alaıda dúken sórelerine dertti mal ónimderin ótkizýge jol berilmeıdi. Sáıkesinshe maly dertke shaldyqqan sharýalar da bekerge shyryldap qalmaıdy. Olarǵa mundaı mal ónimderin alýdyń tıisti talaptary túsindirilip, onyń naryqtaǵy qunynyń 70 paıyzy kólemindegi qunyna teń tólem de jasalady.

Veterınarlyq qyzmetter ásirese epızootııalyq jaǵdaı qıyndaǵan shaqta qaýyrt iske kóship, et,sút ónimderin tıisti qujattarsyz tasymaldaǵan sharýalardy jazaǵa tartady.Máselen sibir jarasy aýrýy beleń alyp turǵan shaqta Jýaly aýdanynan Taraz qalasyna ilespe qujatsyz et tasyǵan kólik júrgizýshisine 20 aılyq eseptik kórsetkish kóleminde aıyppul salyndy. Dál osy etti qabyldap alǵan «Smaǵulov» jeke kásipkerligi de 20 aılyq eseptik kórsetkish kóleminde aıyppul tóleýge májbúr boldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir