ShQO Glýbokoe aýdanynda kópbalaly otbasylar qonys toıyn toılaýda

Glýbokoe aýdanyndaǵy 42 kópbalaly otbasynda tárbıelenip jatqan búldirshinder memlekettik jáne jekemenshik balabaqshalarǵa, sondaı-aq shaǵyn-ortalyqtarǵa tegin barady. Osy maqsatta oblystyq bıýdjetten 2,3 mln. teńge qarastyrylǵan. Bul týraly aımaqtyq kommýnıkasııalar qyzmetinde ótken brıfıng barysynda aýdan ákimi Qalıhan Baıǵonysov málim etti.

– Kópbalaly otbasynan shyqqan 462 oqýshyǵa 8,6 mln. teńgege mektep formasy satyp alyndy. Sonymen qatar 786 bala ystyq tamaqpen tegin qamtamasyz etildi. Olardyń deni kópbalaly jáne az qamtylǵan otbasylarda tárbıelenýde, – dedi Qalıhan Baıǵonysov.

Aǵymdaǵy jyldyń 1 qarashasyna deıin aýdanda memlekettik ataýly áleýmettik kómek 1300 adamǵa taǵaıyndaldy. Onyń ishinde 781 bala turatyn 262 kópbalaly otbasy bar.

Glýbokoe aýdanynda kópbalaly otbasylardy turǵyn úımen qamtamasyz etý maqsatynda tıisti jumystar júrgizilýde. Qaıtalama turǵyn úı naryǵynda 13 kópbalaly otbasy úshin jalpy somasy 31,1 mln.teńgege 13 úı satyp alyndy.