• USD 468.56

  • EUR 497.56

  • RUB 7.3

  • CNY 67.18

28 Naýryz, 21:51:59
Almaty
+35°

Kóp balaly analar men áleýmettik jaǵdaıy tómen otbasylardy baspanamen qamtý máselesi qashanda ózekti.Memlekettik baǵdarlama esebinen baspanaly bolýǵa tabys tómen, ári alǵashqy jarnany tóleýge qabiletsiz jandarǵa baspanaly bolýy baqytyn sezindirý maqsatynda óńirde oblys ákiminiń bastamasymen 612 páterli 12 jataqhananyń qurylysy júrgizilip jatyr, dep jazady Qamshy.kz aqparat agenttigi. 

Jalpy quny 2 mıllıard 400 mıllıon teńge bolatyn 12 jataqhananyń 9-nyń qurylysy aǵymdaǵy jyl sońyna deıin aıaqtalyp 478 otbasyǵa páter kilti tapsyrylatyn bolady. Qalǵan 134 páterli 3 jataqhana keler jyly paıdalanýǵa berilmek.

Negizinen óńirde bıýdjet qarajaty esebinen bıyl 2 195 adamdy baspanamen qamtamasyz etý jospary bar.Munda «Nurly jer» memlekettik baǵdarlamasynyń qosar úlesi qomaqty bolmaq. Atalǵan baǵdarlama aıasynda jalpy quny 11 mıllıard 900 mıllıon teńge bolatyn 2118 páterli 30 turǵyn úıdiń qurylysy júrgizilip jatyr. Bul turǵyn úıdiń 26-sy Taraz qalasynda salynyp jatsa, qalǵan tórteýi Sarysý, Qordaı, Jambyl aýdandarynda boı kóterýde. Sonymen birge respýblıkalyq bıýdjet esebinen 1 mıllıard 600 mıllıon teńge qarjy qarastyrylyp kópbalaly otbasylarǵa arnalǵan 209 páter satyp alý jospary bar. Búgingi tańǵa deıin 186 páter satyp alynyp qoıyldy.

Jalpy Nurly jer» memlekettik baǵdarlamasymen bólingen qarjynyń 3 mıllıard 900 mıllıon teńgesi 658 páterlik 9 arendalyq turǵyn úıdiń qurylysyna qaralǵan. Al 8 mıllıard teńge 1460 páterlik 21 kredıttik turǵyn úıge jumsalǵan.

Jergilikti turǵyndardyń baspana máselesin sheshýde jeke ınvestorlar da atsalysýda.Máselen Taraz qalasynda 4 jeke ınvestor óz qarajattary esebinen 523 páterli 10 turǵyn úıdiń qurylysyn júrgizýde. Mundaǵy 89 páterli 2 turǵyn úıde jyl sońyna deıin qonystoıy toılanatyn bolady.

Qalaı desekte túrli qarajat kózderi arqyly turǵyndardy baspanamen qamtýǵa aıryqsha kóńil bólgen jergilikti bıliktiń laıyqty qadamy súısintedi. Ýaqytsha nemese arendaly baspanaǵa ıelik etken turǵyndar jaldamaly páterdiń aqysyna jumsalatyn shyǵyndy óz páteriniń alǵashqy jarnasyn jınaýǵa baǵyttaýda. Bastysy bul sharanyń barlyq derlik jambydyqtardyń áleýmettik áleýetin arttyrý maqsatynda júrgizilip jatqany daýsyz.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir