О́ńirdegi epızootııalyq ahýal turaqty

Sońǵy toǵyz jyl boıy júrgizilgen dıagnostıkalyq taldaýlar nátıjesi Jambyl óńirinde maldardyń sozylmaly brýsellez aýrýyna shaldyǵý kórsetkishiniń 83 paıyzǵa tómendegenin kórsetedi. Sonymen qatar jergilikti turǵyndardyń da maldan juǵatyn dál osy osý aýrýǵa shaldyqqandar sany da 255 adamǵa kemigen, dep jazady Qamshy.kz aqparat agenttigi.  

Tarqatyp aıtar bolsaq 2010 jyly 3025 bas múıizdi iri qarany brýsellez derti dendese, aǵymdaǵy jyldyń basynan beri nebári 397 bas múıizdi iri qara osynaý aýrýǵa shaldyqqan. Al 9 jyl buryn aýrý 10 066 bas ýaq maldy dertti etken. Sáıkesinshe tıisti sharalar arqasynda aǵymdaǵyjyldyń 9 aıynda 1750 usaq maldyń brýsellezben aýyrǵany belgili boldy.

Jalpy bıyl óńirdegi epızootııalyq is-sharalardy júrgizýge respýblıkalyq bıýdjetten 1mıllıard 500 mıllıon qarjy bólingen. Bul ótken jylmen salystyrǵanda 13,3 paıyzǵa artyq.

–Respýblıkalyq bıýdjetten bólingen qarajat tolyǵymen aýdandarǵa bólinip berildi. Olar bul qarjyǵa qajetti vaksınalar tolyqtaı alyndy. Ekpe jumystaryna qajetti nemese odan artylǵan keıbir vaksınalar veterınarııalyq kásiporyndardyń vaksınany ýaqytsha saqtaıtyn qoımalarynda saqtaýly tur.

Búginde oblysta janýarlardyń asa qaýipti aýrýlaryna qarsy vaksınasııa jáne allergııalyq zertteýler 13 aýrýdyń túri boıynsha, dıagnostıkalyq zertteýler 23 aýrýdyń túri boıynsha epızootııaǵa qarsy josparly is-sharalar júrgizilip jatyr,–deıdioblys ákimdiginiń veterınarııa basqarmasynyń basshysy Ospan Berdııarov.

Epızootııalyq ahýaldy baqylaýda ustaý maqsatynda respýblıkalyq bıýdjetten bólek oblystyq bıýdjetten de 388 mıllıon teńge bólindi. Bul qarjy da maqsatty ıgerilip múıizdi iri qara maldyń teılerıoz aýrýyna, jylqynyń saqaýyna jáne aýyl sharýashylyǵy maldarynyń salmonellez aýyrýyna qarsy egiletin vaksınalar satyp alýǵa jumsaldy.

Bir sózben aıtqanda óńirdegi epızootııalyq ahýal turaqty. Bul oraıda osy qyzmetke jaýapty veterınarlyq qyzmetterdiń jumysyndaǵy júıelilikti atap ótken jón. Sala mamandary aýrýǵa ushyraǵan maldereý oqshaýlanyp, memlekettik veterınarlyq ınspektordyń qadaǵalanýymen óńdeý oryndaryna jiberiledi. О́z kezeginde óńdeý oryndary sharýalarǵmal qunynyń 70 paıyzyn tólep beredi.