Innovasııalyq jobalardyń ıgiligin kórýden merkilikter de shet qalmaıdy. Atap aıtqanda Qazaqstan Respýblıkasynyń ındýstrııaldy-ınnovasııalyq damýynyń 2015-2019 jyldarǵa arnalǵan memlekettik baǵdarlamasy aıasynda aýdanda eki birdeı ınnovasııalyq joba júzege asyryla bastady, dep jazady Qamshy.kz aqparat agenttigi. 

Jalpy quny 1 mıllıard 712 mıllıon 200 myń teńgeni quraıtyn 2 ınvestısııalyq joba aıasynda 38 jańa jumys orny ashylmaq. Bul qos jobada kúlli oblys turǵyndarynyń qantqa degen suranysyn ótep kele jatqan «Ortalyq Azııa Qant Kompanııasy» jaýapkershiligi shekteýli seriktestiginiń Merki fılıalynda júzege asyryldy. Onyń alǵashqysy bolyp, óndiris oshaǵynda 2016 jyly shyryndy tazalaıtyn sehty qaıta janǵyrtý jumystary júrgizildi. Jobalyq qýattylyǵy 698 mıllıon teńgege baǵalanǵan bul jobany iske asyrý nátıjesinde kásiporyn jylyna qosymsha 101 myń tonna qant shyǵarýǵa qaýqarly boldy. Al osy jobadan soń qant zaýytynda 18 jańa jumys orny ashyldy.

Kelesi kezekte Qazaqstan Respýblıkasynyń ındýstrıaldy-ınnovasııalyq damýynyń 2015-2019 jyldarǵa arnalǵan memlekettik baǵdarlamasy aıasynda «Ortalyq Azııa Qant Kompanııasy» jaýapkershiligi shekteýli seriktestiginiń qant zaýytyn qaıta jańartý jobasy qolǵa alyndy. Jobalyq quny 1 mıllıard 14mıllıon 200 myń teńgeni quraǵan qaıta jańartý jumystary nátıjesinde óndiris oshaǵynyń jyldyq qýattylyǵy 140 myń tonnaǵa deıin ulǵaıdy.

Sońǵy jyldary toǵyz joldyń torabynda ornalasqan Merki aýdanynda kásipkerlik erekshe qarqynmen damydy. Sonyń arqasynda shaǵyn jáne orta sýbektileriniń sany 4901-ke jetti. Mundaǵy 1646 nysan aýyl sharýashylyǵy ónimin óndirýshi bolsa, 3021-in jeke kásipkerler quraıdy. Sondaı-aq óńirde 234 shaǵyn jáne orta kásipkerliktegi zańdy tulǵa tirkelgen.

Munan bólek Qazaqstan Respýblıkasynyń Tuńǵysh Prezıdenti–Elbasy Nursultan Nazarbaev aıryqsha mán berip, qoldanys aıasyn 5 jylǵa deıin uzartqan «Bıznestiń jol kartasy 2020» memlekettik baǵdarlamasy asynda jalpy somasy 192,7 mıllıon teńge bolatyn 5 joba maquldandy. Baǵdarlamanyń taǵy bir basym baǵyty sanalatyn kásipkerlik úshin alynǵan nesıeniń mólsherlemesi sýbsıdııalaý boıynsha kásipkerlik jáne ındýstrıaldy-ınnovasııalyq damytý basqarma tarapynan jalpy somasy 49 mıllıon teńgeni quraıtyn jobalardy iske asyrý josparlanyp otyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir