• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:56:33
Qazaqstan Ýkraınanyń saýda naryǵyna alańdaýly

18 Qarasha, 2019 Aımaqtar

Oblystaǵy 208 aýyldyń áleýeti joǵary

О́ńirlerdiń áleýmettik-ekonomıkalyq damýyna ondaǵy eldi mekenderdiń mártebesi sheshýshi mánge ıe ekendigi aıtpasa da túsinikti jaıt.Sondyqtan da oblysta eldi mekenderdiń áleýmettik mártebesin anyqtaý jumystary júrgizilip, óńirdegi eldi mekender sany 373-ten 366-ǵa deıin qysqardy.О́z kezeginde bul qysqartýlar jergilikti jerlerdi ońtaıly basqarý isiniń alǵyshartyna aınalmaq, dep jazady Qamshy.kz aqparat agenttigi. 

Oblys ákimdiginiń ekonomıka jáne bıýdjetti josparlaý basqarmasy júrgizilgen taldaý jumystary oblystaǵy barlyq 373 aýyldyq eldi mekenine taldaý júrgizildi. Taldaý nátıjesine saı eldi mekender 179 klasterge toptaldy. Mundaǵy 208 eldi meken damý áleýeti joǵary aýylǵa jatsa, onyń inshinde 62 eldi meken tirekti jáne 146 eldi meken spýtnıkti mártebege ıe bolǵan. Oblystaǵy 8 eldi meken strategııalyq shekara mańynda ornalasqan. Al 103 myń adam turatyn 150 eldi mekenniń damý áleýeti ortasha deńgeıde dep baǵalanyp otyr.

–«Qazaqstan Respýblıkasy ákimshilik-aýmaqtyq qurylysy» týraly Zańyna saı oblys aýmaǵyndaǵy7 aýyldyq eldi mekenniń ákimshilik-aýmaqtyq qurylysyn ózgertý boıynsha tıisti jumystar qolǵa alyndy. Onyń ishinde 4 aýyldyq eldi meken birlesken oblys ákimdiginiń qaýlysymen jáne oblystyq máslıhat sheshimimen taratyldy. Bul eldi mekender statıstıka departamentiniń esebinen de shyǵaryldy. Sondaı-aq 3 aýyldyq eldi mekenderdi jaqyn ornalasqan eldi mekenge qosý boıynsha birlesken aýdan ákimdikteriniń qaýlylar jáne aýdandyq máslıhat sheshimderi bekitildi. Búginge oblystyq deńgeıdegi jańa shekarany belgileý boıynsha tıisti jumystar atqarylypjatyr,– deıdi oblys ákimdiginiń ekonomıkajáne bıýdjetti josparlaý basqarmasynyń basshysy Gúldana Jaýynbekova.

Oblystaǵy eldi mekenderdiń ákimshilik-aýmaqtyq shekarasy men olardyń áleýmettik mártebesin qaıta zerdelep shyqqan mamandar jańa júıe óńirlerdiń damý qarqynyn eseleý jumystaryna oń áser etetin alǵa tartady. Ári ortalyqtandyrylǵan basqarý júıesi esebinen keıbir eldi mekenderdiń qajettiligi úshin shyǵarylǵan shyǵynnyń kemi de ekonomıkalyq turaqtylyqtyń tóte joly dep sanaýǵa bolady. Odan soń tirek aýyldardyń da spýtnık aýyldar esebinen áleýeti artyp, damý qarqyny eselene túsetini aıdan anyq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir