18 Qarasha, 2019 Aımaqtar

2020 jyly "Aýyl – el besigi" jobasy aıasynda 53 joba júzege asady

Qazaqstan Respýblıkasynyń Tuńǵysh Prezıdenti-Elbasy Nursultan Nazarbaevtyń bastamasymen júzege asyrylyp jatqan «Aýyl – el besigi» jobasy aıasynda aǵymdaǵy jyly óńirdegi Baızaq, Jambyl, Shý aýdandarynda 108 joba qolǵa alyndy. 2020 jyly bul joba Qordaı, Merki, Sarysý aýdandaryn qamtyp, ondaǵy Qordaı, Merki, Saýdakent 53 jobany júzege asyrý josparlanyp otyr, dep jazady Qamshy.kz aqparat agenttigi. 

Jalpy bıyl oblystyń 3 aýdan ortalyǵyndaǵy birqatar áleýmettik mańyzǵa ıe nysandardy qurylysyna jan bitirgen jobany júzege asyrýǵa respýblıkalyq bıýdjetten 2 mıllıard 770 mıllıon teńge qarjy qarastyryldy. Jobalardyń basym bóligi áleýmettik, turǵyn-úı kommýnaldyq sharýashylyǵy, kólik ınfraqurylymdary nysandaryn jóndeý, qaıta qalpyna keltirý jumystaryna baǵyttalǵan eken. Al tórt joba jergilikti turǵyndar tarapynan suranysqa ıe áleýmettik nysandardyń qurylysyn júrgizýdi kózdeıdi. Tarqatyp aıtar bolsaq, «Aýyl – el besigi» jobasy arqyly Jambyl aýdany Asa aýylyndaǵy ámbebap zaly bar sporttyq-saýyqtyrý kesheniniń qurylysy júrgizildý. Mundaı qurylys jumystary Shý aýdanynda júrgizilip, ortalyq aýdandyq aýrýhanasyna japsarlas ǵımaraty salyndy. Jáne de aýdan ortalyǵy sanalatyn Tóle bı aýylynda mádenıet úıi men ámbebap zaly bar sporttyq-saýyqtyrý kesheniniń qurylysy júrgizilip jatyr. Aǵymdaǵy jyldyń toǵyz aıynda joba aıasynda qurylys, qaıta qalpyna keltirý jumystary júrgizilgen 108 nysannyń 85-ndegi jumystar tolyqtaı aıaqtaldy. Al joba aıasyn qurylysy bastalǵan 2 zamanaýı sport keshenimen, aýdandyq aýrýhanaǵa qosymsha ǵımarattyń jáne mádenıet úıini kelesi jyly paıdalanýǵa berilmek.

Kelesi jyly bul oblystyń 3 aýylynda Qordaı, Merki, Sarysý aýdandarynda jalǵasyn tabatyn bolady. Jobasy aıasynda bul aýdannyń ortalyqtary men irgeli aýyldarynda 53 joba júzege aspaq. О́z kezeginde bul jumystardy júrgizýge qajetti 2 mıllıard teńge respýblıkalyq bıýdjetten arnaıy lımıt arqyly bólinbek. Jobany qarjylandyrýǵa qajetti qarajat boıynsha QR Ulttyq ekonomıka mınıstrligine bıýdjettik ótinim de berilip qoıdy.

Aıta ketý kerek aýyldyq aýmaqtardyń áleýmettik ortasyn jańǵyrtý maqsatynda «Aýyl – el besigi» jobasyn iske asyrý jaıy Qazaqstan Respýblıkasynyń Tuńǵysh Prezıdenti-Elbasy Nursultan Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn artty-rý» dep atalatn Joldaýynda aıtylǵan edi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir