Balqashtan sý tartylyp, Qashqanteńizde medpýnkt salynýda

Jambyl oblysy Moıynqum aýdanynda esepti kezeńde qurylys jumystarynyń (qyzmetiniń) kólemi 2559,2 mıllıon teńgege jetip, naqty kólem ındeksi 148,8 paıyzdy quraǵan. Bul ótken jylǵa qaraǵanda naǵurlym artqandy ańǵartady, dep jazady Qamshy.kz aqparat agenttigi. 

2017 jyldan beri qurylysy júrip jatqan Balqash kólinen Burylbaıtal stansasyna deıin sý qubyry jáne sý qabyldaý ımarattary qurylysyn aıaqtaýǵa bıylǵy jylǵa oblystyq bıýdjetten 400,0 mln teńge qaralǵan. Nysandy memlekettik qabyldaýǵa daıyndaýda. «Býrylbaıtal-Mırnyı-Qııaqty top sý qubyry qurylysyn salýǵa» bıylǵy jylǵa oblystyq bıýdjetten 150,0 mln. teńge bólinip, jospar tolyqtaı oryndaldy.

2018 jyly Kókjelek jáne Ulanbel aýyldarynan 10 kelýshige arnalǵan dárigerlik ambýlatorııa paıdalanýǵa berilse, bıylǵy jyly Myńaral, Býrylbaıtal, Qashqanteńiz eldi mekenderine 5 kelýshige arnalǵan medısınalyq pýnktter paıdalanýǵa beriletin bolady. 2020 jyly Bınazar aýylyna 10 kelýshige arnalǵan dárigerlik ambýlatorııa salyný josparlanýda.

Sáýlet salasy boıynsha birneshe jobalar jandanýda. Atap aıtsaq:

1. Qazaqstan Respýblıkasy aýmaǵynda jyljymaıtyn múlik obektileriniń meken jaıyn aıqyndaý boıynsha kórsetiletin memlekettik qyzmetter standartyna sáıkes (HQKO) 2019 jyldyń 10 aıynda kelip túsken 568 (451 jeke jáne 117 zańdy) tulǵalarǵa anyqtama berildi.

2. Moıynqum aýdany boıynsha 10 aıynda aralyǵynda «Tirkeý jáne qorshaý konstrýksııalary, ınjenerlik júıeleri men jabdyqtaryn ózgertpeı, qoldanystaǵy úılerdegi úı jaılardy (jekelegen bólikterin) rekonstrýksııalaýǵa (qaıta josparlaýǵa, qaıta jabdyqtaýǵa) ruqsat berý boıynsha 7 (SJT) úkimettiń elektrondy veb-portaly arqyly berildi.

3. IJS - 2019 jyldyń 10 aıyna paıdalanýǵa berilgen turǵyn úı qurylysynyń kólemi 3200 m2 jáne turǵyn úı qurylysyna tartylǵan ınvestısııa 67259,0 myń teńgeni qurady.

Sondaı-aq aýdanda Kongo-Qyrym gemorragııalyq qyzbasyna qarsy qyrýar jumys atqarylýda. Atalǵan indettiń tabıǵı oshaǵynda Kenes, Birlik, Bınazar, A.Nazarbekov, Kókjelek, Kúshaman, Jambyl, Moıynqum, Qylyshbaı, Qumózek, Qarabóget, Saryózek jáne K.Qamqaly aýyldary barlyǵy aýdan boıynsha 13 eldi-meken ornalasqan. Indet oshaǵyndaǵy eldi mekendegi aýla qora-jaı jáne aýylsharýashylyǵy maldary kóktemde 2 márte jáne kúz aıynda 1 márte barlyǵy 3 márte kenege qarsy zalalsyzdandyrý jumystary júrgiziledi.

2019 jyly Kongo-Qyrym gemorragııalyq qyzbasynyń aldyn alý jumystaryna aýdandyq bıýdjetten 12,0 mln.teńge bólindi.

Aýdan aýmaǵyndaǵy Keńes, Birlik, Bınazar, Kókjelek, Jambyl, Moıynqum, Qumózek, jáne Ulanbel aýyldarynda barlyǵy 8 mal toǵytý orny jumys isteıdi.