Eldiń eńsesin tikteýge baǵyttalǵan taptyrmas joba

Aýyl elimizdiń altyn qazyǵy. Sondyqtan aýyldardyń ajaryn ashý baǵytynda elimizde jandanyp jatqan jobalar az emes. Burnaǵy kezi óńirlerdi damytý bastamasymen bastaý alǵan jobalar búginde «Aýyl – El besigi» baǵdarlamasy aıasynda jalǵasyn tabýda. Bul baǵyttaǵy jumystar Jambyl jerinde jan jadyratady, dep jazady Qamshy.kz aqparat agenttigi. 

Máselen Shý aýdany "Tóle bı selolyq okrýgi ákiminiń apparaty" KMM boıynsha 17 mıllıon 47,1 myń teńge «Aýyl-El besigi» jobasy sheńberinde aýyldyq eldi mekenderdegi beriletin transfertterden Tole bı aýylyndaǵy 24 kósheniń jolyn jóndeýden 16 mıllıon 765,7 myń teńge bólinip otyr. Janar jaǵar maı satyp alýdan 278,0 myń teńge memlekettik satyp alý portalynda merdiger kelisim shartqa qol qoıý jumystary da júrgizilýde.

"Shoqpar selolyq okrýgi ákiminiń apparaty" KMM boıynsha 357,0 myń teńge E-Halyq baılanys qyzmeti boıynsha merdiger schet faktýra ótkizip, ózge de qyzmetterden oryndalǵan jumys aktisi boıynsha 130,0 myń teńge ıgerilýde.

"Shý qalasy ákiminiń apparaty" KMM boıynsha 1 mıllın 199,6 myń teńge Janar jaǵar maı satyp alýdan 245,0 myń teńge memlekettik satyp alý portalynda merdiger kelisim shartqa qol qoıý jaǵy qarastyrylyp, apparatty ustaýdan RB-ten bólingen memlekettik qyzmetkerler men azamattyq qyzmetshilerdiń jalaqysyn kóterýge beriletin transfertterden 954,0 myń teńge tólemder boıynsha jospar durys rásimdelýde.

Bir sózben aıtqanda baǵdary aıqyn bastamalar bar. Jáne qarjy ıgerýde jyl sońyna qaraı jumystar pysyqtalýda.

Árıne toǵyz joldyń torabynda ornalasqan Shý óńiri úshin mundaı ólshemder tyńǵylyqty tirlikpen ólshenedi. Atalǵan qarjynyń maqsatty jumsalýy aýyldardyń ajaryn ashyp, turǵyndardyń turmysyn túzep, aýdan ekonomıkasyna serpin ákeleri anyq. Osyny jiti túsingen jergilikti bılik kún-tún demeı aıanbaı eńbek etýde. Sondaı-aq agro salany alshań bastyrý baǵytynda da baǵdaryn aıqyndaǵan tirlikter tolaıym. Oǵan eldi mekendegi qojalyqtar «Qulan» syndy baǵdarlamalar arqyly tórt túliktiń basyn arttyryp jatqany dálel bola alady. Demek shyraıly Shý óńiriniń shyraıy kirip, kórkine kórik qosylyp, ekonomıkasy órkendeýi ýaqyt enshisindegi nárse dep bilgenimiz abzal.