• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 19:06:26
Qazaqstan Ýkraınanyń saýda naryǵyna alańdaýly

20 Qarasha, 2019

"Men ondaıdan qoryqpaımyn": Amandyq Batalov otstavkaǵa ketýge daıyn (vıdeo)

Atyshýly Baǵdat Manzorovtyń kinási dáleldense, Almaty oblysynyń ákimi Amandyq Batalovta otstavkaǵa ketýge daıyn. Búgin astanaǵa kelip, jýrnalıstermen brıfıng ótkizgen  óńir basshysy osylaı dep aǵynan jaryldy. Alaıda, Batalov aımaqty taza aýyz sýmen qamtýǵa bólingen qarjy jelge ushty degenmen kelispeıdi. Jyldar boıy bul masqatqa bólingen 500 mlrd teńge oryn-ornymen jumsalǵan kórinedi dep jazady Qamshy.kz aqparat agenttigi Eýrazııa birinshi arnasynyń deregin negizge alyp. 

Kóktemgi, jazdaǵy bıliktegi aýys-túıisten soń ornyn saqtap qalǵan Amandyq Batalov Almaty oblysyn 5 jyldan beri basqaryp keledi.  70-ke jaqyndap qalǵan sheneýnik demalysqa ketýdi de ańsap júrgen sııaqty.

Orynbasarynyń kinási dáleldense, otstavkaǵa ketýge ázirmin dep qaldy. Aıta keteıin, buǵan deıin orynbasary Baǵdat Manzorov qyzmettik ókilettigin paıdalanǵan dep kúdikke ilinip, keıin qyzmetine qaıta oralǵan edi.

"Meniń keterimdi, ketpesimdi Úkimet basshysy sheshedi.  Kóp jyl jumys istedim. Adal qyzmet ettim. Kerek bolsa men nemerelerimmen qýanyp, júgirip, solardyń qasynda bolam. Men ondaıdan qoryqpaımyn", - dedi Almaty oblysynyń ákimi. 

2 mln-ǵa tarta turǵyny bar oblysta problema da jetedi.  700-den asa eldi meken bar. Ásirese, úsh aýysymdy mektep pen aýyz sý máselesin Prezıdentte synǵa alǵan bolatyn.

«Almaty oblysynda da aýyl turǵyndaryn sapaly aýyzsýmen qamtý problemasy bar. О́tken 20 jylda bul maqsatqa 500 mlrd-tan astam qarjy bólingen. Bul  óte úlken soma, biraq aýyz sý máselesi sheshilgen joq. Qarjy qaıda ketti? Másele nege sheshilmedi? Esep komıtetine de suraqtar bar. Aımaqtaǵy kezekti bir problema  apatty ári úsh aýysymdy mektepter jaıy. 2018-2019 jyldary 14 mektep salýǵa 15,5 mlrd teńge bólingen. Biraq bul aımaqqa áli de 20 mektep qajet", - dedi Qasym-Jomart Toqaev. 

Alaıda, Amandyq Batalov Almaty oblysy óńirlerdiń arasynda aýyz sý máselelesin sheshýde kósh bastap tur dep aqtaldy. 500 mlrd teńgeniń ár tıynyna deıin aýyz sýǵa jumsaldy deıdi.

"Nege srazý oılaısyńdar, bireý sol aqshany urlap aldy, bir nárse etti dep. Aıtyldy ǵoı Almaty oblysynda bıik kórsetkish dep. Qazir myna jerge shyǵarsyn barlyq oblystardy. Almaty oblysy 86 prosent. Jańaǵy bergen qarajattyń arqasynda sý júıeleriniń barlyǵy salynǵan", - dedi Amandyq Batalov. 

Sondaı-aq, ákim osy oblystyń aýmaǵynan Atom elektr stansasyn salý týraly áńgime qozǵalǵanyn da rastady. Degenmen, ol sóz júzinde qalǵan kórinedi. 

"Byl razgovor. Vy znaete, chto tam neskolko varıantov bylo, ı Almatınskaıa oblast byla odnım ız varıantov. Drýgoı  v Vostochno-Kazahstanskoı oblastı, vtoroı nash, no etona stadıı razgovora ostalos. Nıkakıh otvodov zemel, nıkakıh obsýjdenıı, nıkakıh vyezdov ne bylo. Eto ıa mogý otkrovenno skazat", - dedi Amandyq Batalov. 

Astanalyq jýrnalısterdiń aldyna shyqqan Amandyq Batalov taǵy bir qupııany aıtyp aǵynan jaryldy. Qyrkúıekte Shamalǵan stansasynda bolǵan qaıǵyly oqıǵadan keıin jergilikti sheneýnikterdiń qımyldaı bastapty. Esterińizde bolsa, jolaýshy tıegen avtobýs poıyzǵa soqtyǵysyp, kólik júrgizýshisi qaza tapqan edi. Budan bólek, bir kelinshek pen onyń eki irdeı órimdeı qyzy aýyr jaralanyyp, aýrýhanaǵa túsken bolatyn. Qazir 360 mln teńge bólinip, temir jol beketiniń janynan aınalma jol salynbaq eken.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir