• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:32:02
Qazaqstan Ýkraınanyń saýda naryǵyna alańdaýly

14 Qarasha, 2019 Aımaqtar

Tarazda respýblıkalyq semınar-keńes ótkizildi

Taraz memlekettik pedagogıkalyq ýnıversıtetiniń májilis zalynda «О́rleý» BAUO» AQ fılıaly Jambyl oblysy boıynsha PQ BAI uıytqy bolýymen «Latyn álipbıine kóshý kezeńderine sáıkes pedagog biliktiligin arttyrýdy júıeleý» taqyrybynda respýblıkalyq semınar-keńes ótkizildi.

Latyn grafıkasyna kóshý kezeńderine sáıkes, pedagog qyzmetkerlerdiń biliktiligin arttyrýda álipbıdiń ádistemelik máseleleri men emle erejelerin meńgertýdiń tıimdi joldaryn talqylaýǵa arnalǵan basqosýdy «О́rleý» BAUO» AQ fılıaly Jambyl oblysy boıynsha PQ BAI dırektorynyń oqý isi jónindegi orynbasary Juldyz О́skenbaeva kirispe sózben ashty. Ol óz sózinde semınar-keńestiń mazmunyna jan-jaqty toqtalyp, osy baǵyttaǵy atqarylyp jatqan jumystardyń jemisti ekenin tiline tıek etti. Budan soń oblys ákimdigi ishki saıasat basqarmasy basshysynyń orynbasary Berik Begalıev sóz aldy.

-Jıyrmasynshy ǵasyrdyń qyrqynshy jyldarynda kırıllısa engizilgeni barshaǵa málim. Onyń ıdeologııalyq negizderin men de bir kisideı zerdeledim. Ol kezdegi ıdeologııanyń baǵyty barshaǵa málim ǵoı. Táýelsizdiktiń alǵashqy jyldarynda «aldymen ekonomıka, odan keıin saıasat» degen ustanym boldy. Latyn grafıkasyna kóshýdiń negizinde ıdeologııalyq mazmun bar.

Oblystaǵy buqaralyq aqparal quraldary da búgingi kúni latyn grafıkasyna basa nazar aýdaryp otyr. Bul rette jurtshylyqtyń kóz daǵdysyn qalyptastyrý basta maqsat ekeni aıan. Qazirgi tańda aýdandyq 10, Taraz qalalyq 1, oblystyq 3 basylym bar. Gazetterdiń deni ataýlaryn latyn qarpine aýystyrdy. Bul da birshama jumys. О́ıtkeni gazet ataýy jáı ózgeriske ushyramaıdy, kýáligin de alý kerek. Odan bólek basylym oqyrmandarynyń kózin úıretý, oqý daǵdysyn júıeleý maqsatynda barlyq basylymdarda bir maqala latyn jazýymen berilip keledi. Atalǵan jumystar kezeń-kezeńimen jalǵasyn taba beredi. Sonymen qatar telearnalardyń da ataýlary, baǵdarlamalarynyń attary latyn qarpinde jazylǵan,-degen Berik Begalıev ózge de máseleler týraly keńinen tolǵady.

Respýblıkalyq deńgeıde ótken semınar-keńeste mamandar da óz pikirlerin ortaǵa salyp jatty. «О́rleý» BAUO» AQ fılıaly Shymkent qalasy boıynsha PQ BAI dırektorynyń ǵylymı ister boıynsha orynbasary Muhtar Aqtaev, Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy Ádisteme basqarmasynyńbasshysy, fılologııa ǵylymdarynyń kandıdaty Sofııa Omarova, fılologııa ǵylymdarynyń kandıdaty Aınur Dóńbaeva jańa qazaq álipbıine qatysty túrli oılary men usynystaryn keńinen aıtty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir