• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:36:55
Qazaqstan Ýkraınanyń saýda naryǵyna alańdaýly

14 Qarasha, 2019 Aımaqtar

Ardagerler atqarylǵan isterdi saralady

«Ardagerler uıymy» respýblıkalyq qoǵamdyq birlestiginiń Jambyl oblysyndaǵy fılıaly 2016 jyldan kúni búginge deıin atqarǵan jumystary týrasynda Pleným ótkizdi. Esepti úsh jyl aralyǵynda júzege asqan isterdi baıandaǵan oblystyq ardagerler keńesiniń tóraǵasy Erkimbek Soltybaevtyń málimdeýinshe, óńirimizdegi bastaýysh ardagerler uıymdarynyń sany birshama azaıǵan. Naqty aıtqanda 997-den 939-ǵa kemipti. Bul aýyldarda halyqtyń kóship-qonýy jáne jaqyn qurylǵan bastaýysh ardagerler uıymdarynyń bir-birimen qosylýynyń saldarynan bolyp otyr. Ásirese, Qordaı aýdanynda 98-den 80-ge, Talas aýdanynda 110-nan 61-ge azaısa, Sarysý aýdanynda kerisinshe 9-ǵa kóbeıgen.

Ardagerlerdiń bos ýaqyttaryn tıimdi paıdalanýlary men salaýatty ómir saltyn nasıhattaýlary úshin «Ardagerler ortalyǵy» ǵımaratynan «Belsendi uzaq ómir súrý» ortalyǵy ashylǵan. Onda ardagerlerge barynsha jaǵdaı jasalǵan. Bilikti dáriger aptasyna eki ret kelip, qan qysymyn ólshep, dárigerlik keńester berip turady. Psıhologtar ardagerlerdiń suranymy boıynsha jeke qabyldaýlar ótkizip, ár túrli taqyryptarǵa leksııalar ótkiziledi. Qaırat Rysqulbekov saıabaǵy men «Taraz-Arena» sport keshenin de tıimdi paıdalanýda. Týrıstik joldamalarmen qarııalardy tarıhı oryndarǵa saıahattatý, tabıǵat aıasynda serýendeý sharalary da nazardan tys qalmaǵan. Osyndaı is-sharalarǵa oblystyq, qalalyq, aýdandyq ákimdikter, demeýshiler kómektesýde. Qazynaly qarttardy qadirlegen barshaǵa 125 myńnan asa ardagerlerdiń atynan Erkimbek Beısembekuly sheksiz alǵysyn aıtty.

-Memleket basshysy Qasym-Jomart Toqaev «Synlarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda el damýyna tyń serpin beretin qadaý-qadaý mindetterge toqtaldy. Investısııalyq klımatty jaqsartý, shaǵyn jáne orta kásipkerlikti damytý, ekonomıkany órkendedý, munyń bári de tuǵyndardyń turmys-tirshiligin jaqsartýǵa baǵyttalǵan qadamdar. Sonymen qatar bilim berý, densaýlyq saqtaý, mádenıet, quqyq qorǵaý salalaryna qatysty da naqty mindetter aıqyndaldy. Joldaý júktegen mindetterdi iske asyrý jolynda aldyńǵy tolqyn aǵalar, jergilikti jerlerdegi ardagerler keńesteri aıanyp qalmaıdy, -deıdi Jambyl oblystyq ardagerler keńesiniń tóraǵasy Erkimbek Soltybaev.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir