13 Qarasha, 2019 NEWS

Semeıde jarnama máselesi talqyǵa tústi

Qalalyq sáýlet jáne qala qurylysy bóliminiń eki jyldyq jumys qorytyndysy boıynsha, olar Semeı qalasynyń polısııa basqarmasymen birlesip, qaladaǵy jarnama qurylymdaryn jınaqtaý boıynsha 40 bılbord pen 250 asa usaq jarnama obektilerin bólshektegen.

Qalalyq sáýlet jáne qala qurylysy bóliminiń bas mamany Ermek Aqanovtyń aıtýynsha, bul jarnama nysandary standarttarǵa sáıkes kelmeıdi. Keıbiri eskirgen bolsa, ózgeleri  belgilenbegen jerlerde ornatylǵan. 

– О́kinishke oraı, bizdiń  baıqaǵanymyzdaı, kóptegen saýda úılerinde, úlken sýpermarketterde jarnama retsiz ornalasqan. Bul – qalanyń estetıkalyq kelbetine zııan keltiredi. Sondyqtan talaptarǵa saı kelmeıtin jarnama nysandary alynyp tastaldy. Bul baǵyttaǵy jumystar áli de jalǵasatyn bolady, – dedi Ermek Aqanov.

Jumys barysynda  qalanyń syrtqy kelbetin jaqsartý úshin kóptegen saýda dúńgirshekterinen bas tartýǵa týra kelgen. Mysaly, sońǵy eki jylda qalada 70-ke jýyq dúńgirshek pen 50-den astam metall garajdar alynyp tastaldy.

Semeı qalasynyń aqparattyq ortalyǵy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir