• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:44:43
Qazaqstan Ýkraınanyń saýda naryǵyna alańdaýly

14 Qarasha, 2019 Aımaqtar

"Nurly jer" nuryn tógip jatyr

Búginde Taraz qalasy totydaı taranyp, kúnnen kúnge kórkeıip kele jatqany belgili. Bul eń birinshi memlekettik baǵdarlamalardyń tıgizip jatqan sharapaty ekeni daýsyz. Ásirese sońǵy jyldary salalyq baǵdarlamalar aıasynda boı kóterip jatqan turǵyn úıler turǵyndardyń turmysyn túzep, áleýmettiń áleýetin arttyrýda, dep jazady Qamshy.kz aqparat agenttigi. 

Jalpy búgingi tańda qalada 80 páterli 19 turǵyn úı paıdalanýǵa berilip, 80 jáne 60 páterli 16 turǵyn úıdiń qurylysy júrgizilýde. Sondaı-aq áleýmettik jaǵdaıy tómen, kópbalaly otbasylarǵa arendalyq 80 páterli 11 turǵyn úıdiń qurylysyna qala bıýdjetinen 22,0 mıllıon teńge qarjy qarastyrylǵan. Memlekettik qordan turǵyn úı alý kezek tizimine tirkelgen azamattarǵa 2019 jyldyń mamyr aıynda 140 páter berildi. Onyń ishinde kópbalaly otbasylar 65 pátermen qamtamasyz etildi. Aǵymdaǵy jyly kópbalaly otbasylarǵa arnap salynǵan 142 páterge bıýdjetten 1 mlrd. 191,0 mln teńge qarjy qarastyryldy. Ondaǵy 3 bólmeli páterlerdiń kólemi 60-90 sharshy metrden kem bolmaıdy jáne quny 8 mln. 400,0 myń teńgeden aspaıdy. Endigi kezekte memlekettik satyp alý jumystary júrgizilýde.

«Nurly jer» turǵyn úı qurylysy baǵdarlamasy aıasynda Súleımenov kóshesiniń aıaqtalar tusynan 10 myń 300 otbasyǵa arnalǵan 280 kópqabatty úıdiń qurylysy júrgizilýde. Súleımenov kóshesinde respýblıkalyq bıýdjetten jartylaı az qamtylǵan kópbalaly otbasylar úshin 80 páterli 4 úı jáne oblystyq bıýdjet esebinen 80 páterli bir úıdiń qurylysy bastaldy. Ústimizdegi jyly 15-shi móltek aýdanynda nesıege beriletin 80 páterli 10 úı paıdalanýǵa berildi. Sondaı-aq atalǵan alqapta jergilikti atqarýshy organdardyń oblıgasııalar shyǵarý jolymen 60 páterli 11 úıdiń qurylysy qolǵa alynýda.

«7-20-25» baǵdarlamasyna kelsek, «Qazaqstannyń turǵyn úı qurylys jınaq banki» aksıonerlik qoǵamynyń «Araı-2» móltek aýdanyndaǵy 80 páterli 6 úıden qalǵan 102 páter jáne Súleımenov kóshesiniń sońyndaǵy 15-shi móltek aýdanyndaǵy 80 páterli 9 úıden qalǵan 295 páterdi satylymǵa usyný úshin ekinshi deńgeıli bank qyzmetkerleriniń kestesi bekitilgen. «7-20-25» ıpotekalyq baǵdarlamasyn júzege asyrý úshin Qoıgeldi kóshesi №173 úıden arnaıy ortalyqtandyrylǵan túsindirý ofısi quryldy. Keńseniń basty maqsaty baǵdarlamaǵa qatysýshy barlyq ekinshi deńgeıdegi bankterdiń ókilderin bir jerge shoǵyrlandyryp, qala turǵyndaryn málimettik keńester, jeńildikter týraly habardar etý, sol arqyly ıpotekalyq baǵdarlamany qarqyndy júzege asyrý bolyp tabylady. Munda baǵdarlama boıynsha «Araı» turǵyn alqaby, Súleımenov kóshesiniń sońyndaǵy 15-shi shaǵyn aýdandaǵy jańa úılerden páter alýǵa turǵyndardan ótinishter qabyldanady. Sonymen qatar túsindirý keńsesinde seriktes ekinshi deńgeıli bankterden qujattardy rásimdeý, páterdiń sharshy metri men bólmesi, baǵasy týraly tolyq aqparat beriledi. Atalǵan baǵdarlama boıynsha keńes alýǵa 1499 azamat kelgen. Onyń ishinde 1038 azamatqa túsindirý jumystary júrgizilip, 164 azamatqa «Araı-2», 297 azamatqa 15-shi móltek aýdanǵa joldama berildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir